شاندێوە بە بەشداریی هامسەرۆکەو شارەوانیی جولەمێرگی ڤیان تەکچەیێ و هامقسەکەرەو کۆنگرەو دیموکراتیکوو گەلا (هەدەکە)ی ئەسەنگول دەمیرە و ڕاوەبەراو ڕێکوستەیەکاو دەم پارتی، چەنی هێزەکاو ڕەنج و ئاشتی و دیموکراسی و ڕێکوزیا مەدەنییەکا جەمێ بیێوە، چا چوارچوەنە جە دەسوەڵێوزیی ٧٨ جە شیشلی چنی ڕۆنامەوا جەمێ بیێوە.

ئیرادەو گەلی پەشتگۆش وزیا

هامسەرۆکەو شارەوانیی جولەمێرگی ڤیان تەکچە ئەرەیاوناش دماو دەسملەرەگێرتەی شارەوانییەکەی ڕاشا نەدێنە بلا دلێ شارەوانییەکەی، ئەوەخوایش کەردۆ وەڵێ ورچنیەی کاندیدوو ئاکەپەینە و پارێزگارینە بەرتیلشا دان بە خەڵکی و گەرەکشا بییەن ئیرادەو گەلی بسانا، بەڵام گەل ئیرادەو وێش نیشانە دا، بەڵام دەسەڵاتوو ئاکەپەی ڕێزش وەنەو ئیرادەو گەلی نەگێرت و ئیرادەشا زەوت کەردێ. وەراوەرنە گەل درێژە بە کۆشیای مدۆ.  

تەکچە تیشکەش وستە سەروو گرنگیی چالاکییەکا دژوو سەپنایە نادیموکراتیکەکا، بەتایبەت نموونەو چالاکییەکاو ئیستەنبوڵیش ئاردۆ.

"مافوو ورچنیەیما پاشێل مکەرا"

تەکچە واتش: "بە دەسملەرەگێرتەی شارەوانییەکەی مافوو ورچنیەی من، هەم مافوو دەنگدای خەڵکوو جولەمێرگی پاشێل کریان".

دمایی ئەنداماو مەجلیسوو شارەوانیی جولەمێرگی، نەجیب جۆشکون و ئەڤین تانە، ئەوەخوایشا کەردۆ، دیدار و جەمۆبییەیەکێشا بەردەوامێ بانە.