هۊنیەرەی عێراقیە سارا تالیب ئەلسوهێلە ئەرەیاۋناش، ژەناو کورڎی جە ڕوو جەستەیی و جە ڕوو هزریچۊ جە دژو چەتەکاو داعشی جەنگشا کەرڎەن و واتش، ژەناو کورڎی زەریفتەرین وێنەو ڕزگاربېیەیشا نیشانەدان.
هۊنیەرەی عێراقیە سارا تالیب ئەلسوهێلە ئەرەیاۋناش کە ژەناو کوردی تا ئارۆ ۋېڕاگری فرەشا کەردەن، جە ۋەرا ۋەروو گرڎ دژواری و تەنگوچەڵەمێوەنە ۋېڕاگریشا کەردەن و نامۍ ۋێشا جە پەڕەکا تاریخینە تۆمار کەردەن.
ئەلسوهێلە وەشەسیایی بێکۆتاو ۋېش ۋەرا ۋەر بە ژەنا کوردی بەربڕی و واتش، ژەنا ئارۆ جە گرڎ بوارێنە سەرمەشقایەتی خەباتی مکەرا.
ئانەیچش وست ڕووە کە تاریخ بە مڎرامانوو ژەناو کوردی رازیانۆ و پی جۆرە درێژەش پنەدا، "ژەناو کوردی نامۍ ستەمیشا ئەسڕیۆ و ۋێشا جە مېڎانوو جەنگینە ۋەرا ۋەر بە داعشی ئشناسا. ژەناو کوردی ئا داب و نەریتاشا ڕەڎ کەردۆ کە بە سەڎان ساڵۍ بیێبێنۍ بە کۊسپ بەشێوۍ سکۆمەندانە ۋێڕاگریشا کەرد. خەباتوو ۋێشا جە بواروو ئەرەیاۋناینە بە ویژادانۆ بەردەن ڕاوە. حەرچنڎە تووشوو دژواری فرەی بیۍ، بەڵام ئانە نەبی بە یاگۍ چەقبەستەیشا. تەماشەو ۋەروودەم و ۋێشا کەرد و درێژەشا بە ڕاکێشا دا".
ئەلسوهێلە ئاماژەش پانەیچ کەرد کە ژەناو کوردی بە گرڎوو هێزوو ۋێشاوە ۋەرا ۋەر بە چەتەکاو داعشی مردێوە و واتش: "نەک هەر جە روو جەستەییوە حەرپاسە بە هێزوو هزریچ داعششا ماڕا. ژەناو کوردی بە زانستوو ۋێشا بە چەتەکاشا نیشانەدا کە ژەناو کوردی حەجگیز مەبەزیا و بە جەنگ چۆکشا پنەمەڎریۊرە".
