هەپەگە واتش: "ئەنداموو فەرماندەیی ئیلایەتوو سەرحەدی، فەرماندی فیدایی ئاپۆیی شێخ مووس ملازگر، ١٨و حوزەیرانینە جەنگوو دژ بە سوپای ئەرەگیرکەرەو تورکینە، تا دماهەناسەو ژیوایش فەرمانداریی جەنگیش کەرد و بە قارەمانییوە گەشمەردە بی."
ناوەندوو ئەرەیاونای و چاپەمەنیی هەپەگەی واتش: "میلیتانی ڕەنجدەروو پەکەکەیما، ئەنداموو فەرماندەیی ئیلایەتوو سەرحەدی، فەرماندەی فیدایی ئاپۆیی هامڕا شێخ مووس ملازگر ١٨ حوزەیرانوو ٢٠٢٤ مەیدانوو گلداخینە بە قارەمانێییوە جەنگنە دژ بە سوپای ئەرەگیرکەرەو تورکی گەشمەردە بی."
ئەرەیاونایەکەو هەپەگەکەینە ئامان: "ڕۆڵەی ئازاو گەلوو سەرحەدیما هامڕا شێخ مووس، سەروو ڕای قارەمانانێ مدرامانی تارێخیی گەلوو سەرحەد؛ فەرزەندە بەگ، سەیدخان کر، ئیحسان نوری پاشا، خالد جبری، کەرەم قۆلاخاسی و برۆی حەسەکە تێلیلەریوە هەنگامەش نیا. وەراوەروو دوژمنینە سەرەش نەکۆمنارە، نادادییش قبووڵ نەکرد، گەرەکش بێ ئازادیی وەڵاتەکەیما بوینۆ، هەقەو قڕکەرەیەکاو گەلەکەیماش وەنەو دوژمنی کەردۆ و کەردش بە ئامانجی بنەڕەتیی ژیوایش. هامڕاما شێخ مووس بە کەسایەتیی مدرامانکەر و وەڵاتپارێزییوە، ساڵەو ١٩٩٢ێوە بەشداروو دلێ ڕیزوو گەریلاکاو ئازادیی کوردستانی بی."
جە ئەرەیاونایەکەو ناوەندوو ئەرەیاونای و چاپەمەنیی هەپەگەینە ئینە بەروزیان:
"هامڕامان شێخ مووس فەرماندێوی ئازای ئاپۆیی بێ، کە دۆڵەکاو ئاگرێ-نە پریشکەو ئایروو کۆشیای ئازادیی گەلەکەیماش گەشتەر کەردۆ و عەلەمەو ئازادییش بەرزە کەردۆ، پی باوڕ و ئیرادەماوە وەعد مدەیمێ سەروو بنەمێوی دروسێوە خاوەندارییش جە یادکەردەیوە هامڕاما شێخ مووسی بکەرمێ. سەرەوەشیی وێما پەی بنەیانەی بەڕێزوو هامڕاما شێخ مووسی و تەماموو گەلوو سەرحەدی قارەمانی و گەلوو کوردی وەڵاتپارێزنیما بەرموزمێ.
زانیارییەکێ سەبارەت بە هامڕای گەشمەردەیما شێخ مووسی ئینێنێ:
ئشناسنامێ: شێخ مووس ملازگر
نامێ و دمانامێ: یەلماز ئۆنەر
یاگێ پەیدابییەی: مووش
نامێ ئەدێ - تاتەی: مەلەک- حاجی ئەحمەد
شۆنە و وەختوو گەشمەردەبیییەی: ١٨و حوزەیرانوو ٢٠٢٤/ سەرحەد."
