هەپەگە ئشناسنامەو دووۍ گەشمەرڎاش ئاشکرا کەرد
هەپەگە ئشناسنامەو ٢ گەریلایاش ئاشکراکەرد کە ئاڤاشینەنە گەشمەرڎۍ بیێنۍ و ئەرەیاۋناش، "هامڕێما عاکیف و باگەر بیۍ بە دیارتەرین هێماو گیانبازی گەریلایەتی سەردەمی تازەی".
بە دیمەن
ناوەنڎوو ئەرەیاۋنای و چاپەمەنی هەپەگەی سەبارەت بە گەشمەرڎەبیەی ئا دووە گەریلایە ئەرەیاۋنێوەش وەڵاکەردۆ کە پی جۆرەنە:
"١٤و حوزەیرانوو ٢٠٢٤ جە مېڎانوو مڎرامانوو دۆڵەو مارانی هەرێموو ئاڤاشینینە، جە هجوومېوە دوژمنینە دووۍ جەنگاوەرۍ بەقیمەتۍ ئاپۆییۍ هامڕێما عاکیف گابار و باگەر کورڎەسان گەشمەرڎۍ بیۍ.
هامڕێما عاکیف و باگەر کە دڵوو ئاڎیشا بە ئێروو ئازاڎیی بەتین بۍ و پەی ئایندێوە شکۆمەندانەو گەلەکەیما ۋەرپرسیاری گەورەشا گێرت ئەستۆ و بەشداریشا جە ریزەکاو گەریلاینە کەردەبۍ، گرڎ چێوۍ ژیۋایشا بە ئازاڎیی گەلەکەیما بەخشا. هامڕێما عاکیف و باگەر کە جەنگاوەرۍ ئازاڎیی بێنۍ و مشۊم گرڎ جوانێوە کورڎەسانی سەربەرز بۆ پایشاوە و بکەراشا بە نمونە پەی ۋێشا. جە هەمان کاتەنە بیۍ بە دیارتەرین هێماو ڕا و رێبازوو ئەرەکۊشای جە دژوو دەوڵەتو تورکی کۆلۆنیالیستی.
هامڕێما عاکیف و باگەر بیۍ بە بەرجەسەکەرەوەو فەلسەفەی ئاپۆیی ژیۋای دەروێش ئاسای و جە هەمان کاتەنە هێماو گیانبازی گەریلایەتی سەردەمی تازەی بێنۍ.
سەرەتا سەرەوەشی ۋێما ئاراسەو بنەیانەو هامڕایاما عاکیفی و باگەری و حەرپاسە تەماموو گەلە وڵاتپارێزنەکەو کورڎەسانی مکەرمۍ و قەسەم و پەیمان تازە مکەرمېوە کە کۊشیای هامڕایاما بە دڵنیاییوە میاونمۍ بە سەرکەوتەی.
زانیاری جە بارەو ئشناسنامەو هامڕا گەشمەرڎەکاما پی جۆرەنە:
ناسنامۍ /عاکیف گابار
نامۍ و دما نامۍ /سەلمان یالڤاچ
شۊنماو جە ئەڎابیەی /شڕنەخ
نامۍ ئەڎۍ و نامۍ تاتەی / شیرین- سلێمان
شۊنماو کات و گەشمەرڎەبیەی / ١٤و حوزەیرانوو ٢٠٢٤/ ئاڤاشین
*****
ناسنامۍ /باگەر کوردستان
نامۍ و دما نامۍ /نورەدین محەمەد سینۆ
شۊنماو جە ئەڎابیەی /عامودێ
شۊنماو کات و گەشمەرڎەبیەی / ١٤و حوزەیرانوو ٢٠٢٤/ ئاڤاشین
