زیندانیێ سیاسیێ ٢٧ی تشرینوو دووەموو ٢٠٢٣ بە دروشموو "ئازایی پەی عەبدوڵا ئۆجالانی، چارەسەری سیاسی پەی پەرسەو کوردی" بەشێوەی بە نۆرە مانیشا جە واردەی گێرتە و ٤و نیسانوو ٢٠٢٤ ینە واتشا چالاکیی مانگێرتەی جە وارەی بفاڕدێ بە بایکۆتکەردەی دادگاکا و نەکەردەی دیداری و پەیوەندیی تەلەفونی  چەنی بنەیانەکاشا. چالاکیی ' دەنگ بە ئازادیی بکەروە' کە بنەیانەو زیندانییا وەردەموو زیندانەکانە دەسپەنەکەردەن و گرد دووشەممێوە مکریۆ، بەردەواما.

هامسەرۆکوو توهاد-فەدی کەرەم جانپۆڵاد سەبارەت بە چالاکیی زیندانییا و ئازادنەکەردەی ئا زیندانیا "ماوەو سزاکێشا تەمامیان " قسێش کەردێ و واتش، کە زیندانیێ بە تەمامی وێشا گۆشەگیر کەردەن و ئانەیچ کاریگەرییش سەروو سەرتاسەروو کوردستانی و تورکیای کەردەن، جانپۆلاد واتیچش، "هەلومەرجوو گۆشەگیری مایێ قەبووڵکەرەی نییەنە. گەورەتەرین وەربەس وەردەموو پەرسەو کوردینە هەلومەرجی گۆشەگیرییا. مشۆم دەموەس چارەسەر پەی ئا پەرسێ بوێزیۆوە. دەسەڵات سەبارەت پانەی مشۆم وەرپەرسی بیانۆ یاگێ. ئینە بە شێوەی ئەرێیی هەرمانە مکەرۆ سەروو گردوو بەشەکاو تورکیای".

'تاکە ڕاو بەرشییەی جە قەیرانی سیاسیی ئیمراڵییا'

جانپۆڵاد واتش، کە ئەندێشەکاو ڕابەروو گەلوو کوردی عەبدوڵڵا ئۆجالانی دلێ گلێرگەینە کاریگەریی گرنگ منیۆرە و واتش، "هۆکاری سەرەکییڕاگێریی جە دیداری چەنی ڕابەرایەتیی ئانەنە. گەرەکشا نییەن ئەندێشە و پێرسپێکتیڤەکاش بەیا بەر و  کاریگەرێ با سەروو گلێرگەی. بەردەوامبییەی گۆشەگیری قەراریوی سیاسییا. هیچ شرۆڤێوی یاسایی ورنمەگێرۆ. دەوڵەت دەستووری هەمیشەیی وێش پاشێل مکەرۆ. بڕواما هەنە کە گردوو پارتە سیاسییەکا تورکیانە مشۆم دیدار چەنی بەڕێز ئۆجالانی بکەرا، تا چارەسەروو قەیرانی سیاسی وەڵاتەنە ویرۆکە وربگێران. بەڵام بە داخۆ بە پێچەوانەوە گردوو داواکاریی پارێزنەرا و بنەیانەکا بەپێداگرییوە ڕەتێ مکریاوە. دەسەڵاتیچ فرە خاس دەزانێت کە ئینە چارەسەرش شۆنیرە نمێ. تاکە ڕاو بەرشییەی چی قەیرانەیە ئیمراڵییا. پەی ئازادیی گەلا مشۆم بەرەو ئیمراڵی بکریۆوە. ڕاو سیستموو گۆشەگیرییوە نەک هەر گەلوو کوردی، بەڵکوم گردوو گەلا گۆشەگیرێ  مکریا".

"مشۆم خاوەنداری وەنەو چالاکیی زیندانییا بکەرمێ"

هامسەرۆکوو توهاد-فەدی کەرەم جانپۆڵاد بەشێوی تەروو قسەکاشنە جەختش کەردۆ، کە خاوەنداریی وەنەو چالاکیی زیندانییا بکریۆ و جەختش کەردۆ کە خودوو چالاکییەکەو زیندانییا ڕەخنێوەن چا کەسا کە ئینێ بەروو زیندانیوە. ڕەخنە جە بێدەنگیی ئێمە مگیریۆ گلێرگا بە خاوەنداریی چا چالاکییا جوابوو ڕەخنەکا بدۆوە، پەوکای داوا وەنەو گرد لێوە مکەروو، بەیا پێوە خەڵکی چی گێجاوێ نەجات  بەیمێ. ئینە دۆخێوی نائەخلاقییا و موینمێن کە تورکیانە یاسا چەنی پاشێلە مکریۆ، جگە چانەیە بابەتەکە موزمێنە بەرنامەو هەرمانەو پەرلەمانیوە، سەروو ئاستوو جیهانیچ ئا بابەتەیە مکەرمێ بە پەرسەو ڕۆی.  

"مشۆم چالاکییەکا گەورەتەر بکەرمێ و گرد لاێوەرە وەڵاشا بکەرمێ"

هامسەرۆکوو توهاد-فەد کەرەم جانپۆڵاد واتیچش کە جگە جە گردوو چالاکییەکا و بانگەوازەکاو گەلی، گۆشەگیری بەردەواما و واتش، "مشۆم چالاکییەکاما وەرفراوانتر بکەرمێ و ناڕەزایەتییەکا گەورەتەر بکەرمێ. مشۆم خەباتێوی چالاکییەکا بکریا، جەماوەریێ با و جەژنەنە بنەیاکێ بتاوا ڕۆڵەکاشا بوینان. گرد ئەدێ تاتێوە و زاڕوێ  مافشا هەن دەنگوو کەسوکاریشا بژنەوان. بەڵام بەداخۆ سیستمێو کە هەن تورکیانە، ڕا پانەیە نمەدۆ. پیسە ڕێکوزیا و بنەیانەکا داوا مکەرمێ، ڕۆو هەینی ٢١و حوزەیرانی دەبێت گردما وەردەموو زیندانەکانە بیمێ و پەشتیوانیی چالاکیی بنەیانەکا بکەرمێ و گردوو ڕێکوزیایەکا و ڕای گردینیچ ڕۆو هەینی پێسە چەنی ملێ دیدار، گرد وەردەموو زیندانەکانە بیمێ.  

مشۆم گردما بەشداریی ئا چالاکییا بکەرمێ، گردوو پارت و رێکوزیایەکا دژوو گۆشەگیری و خاوەنداریی وەنو چالاکیی زیندانییا بکەرا. نمەبۆ بنەیانەکێ تەنیێ با، گرد لایێوە هەست بە وەرپەرسیی بکەرا و بەشداری چالاکییەکانە بکەرا. پی بۆنەوە جەژنە جە گردوو بنەیانەکا ئەدایا،، دایکان، زیندانییا مەبارەکە مکەرمێ. ئەگەر چالاکییەکێما  قەوەتێ با ئەستەما نەیاومێ ئەنجام. جەژنەو گردلایێوە مەبارەکە، هومێدما هەن، بۆ مایێ مایەی ئاشتی و ئازادی".