دماو هۊرچنیەی دلېینەی، شارەوانی جۆلەمێرگی جە ٣ۍ حوزەیرانی دەسش سەرەرە گیریا، هامسەرۆکوو شارەوانی کە سەر بە دەم پارتیا زیڼانی کریا و یاگۍ ئاڎینە قەیوم نریارە.

دژوو ئا دەسسەرەرەگېرتەو ئیرادەیە جە گەڕەکەو تاکسەرەی جە مېڎانوو ئۆتۆگارینە بە بەشداری دەیان هەزار کەسا گلېرۊبیەیۍ گەورە سازمکریۆ.

گلېرۆبیەکەی جە تەرەفوو دەم پارتیوە بە دروشمەو "شارەوانیەکۍ موڵکۍ گەلانۍ و ڕا مەڎەیمۍ دەسشا سەرەرە بگیریۆ' ملۊڕاوە، جە ڕۊو چوارشەممەیۆ جە شارە جیاجیاکاوە خەڵک بەرەو جۆلەمێرگ کەوتېنۍ ڕا.

بەسەڎان کەسۍ جە ئیزمیر، ئەدەنە، ئامەد، ئەرزڕوم و ئاگریوە یاۋێنۍ شارەکە. جەماوەرەکە ۋەردەموو بیناو دەم پارتینە جە جۆلەمێرگ کوۍ بیێنېوە.