جەنگەوانوو هێزەکاو هەرمانەو وێپارێزنای موسەنا عەلی ئەحمەد، کە ٩و حوزەیرانینە بە نەوەشی گیانش سپارا، ئارۆ ئەرەنیشتاو شارەکاو تربەسپی و چلاخای مەراسیمێونە قەبرسانوو گەشمەردە دلشێرینە دەگاو دوگریی تربەسپیینە ئەسپەردەشا کەرد.

مەراسیمەکەنە ئەنداموو ئەنجومەنوو بنەیانەو گەشمەرداو شاروو چلاخای، فەیسەڵ محەمەد واتش: "بە دەوڵەتوو تورکی ماچمێ ئینایمێ چێ. وەرگێری وەنەو خاکیما مکەرمێ. چونکوم مدرامان ژیوایا."

هەرپاسە لەیلا ئەحمەدە مامۆزێ گەشمەردە موسەنای بە نامێ بنەیانەو گەشمەردەیوە واتش: "سەربەرزێنمێ بە گەشمەردەبییەی گەشمەردە موسەنای. جارێوی تەر وەعدما ئەوەخوای مکەرمێوە تا دماهەناسەو ژیوایما کۆشیەیمێ و مدرامانەنە بیمێ تا پاریزنای خاکیما."

دمایی شناسنامەو گەشمەردەی ونیاوە و چنی هەلهەلەو ئەدایا جەنازەو گەشمەردەی ئەسپەردە کریا.