جەمۍ جە جوانا واتشا: "بیمۍ بە پارێزنەرۍ ڕیزەکاو گەریلای، کە دژوو فاشیزمی بنیاڎنیای ژیۋای ئەخلاقی و مرۆڤایەتی پارێزنۆ، پېسە وارگەو ژیۋای حەقیقەتوو ۋێما موینمۍ." ئەرەیاۋناشا کە بەشدارۍ دلۍ ڕیزەکاو گەریلای بیێنۍ.

جوانەکۍ کە جە کەشەکا کورڎەسانیوە ئەرەیاۋنێوەشا ۋەناوە و واتشا: "گەرەکشا بۍ ژیۋایۍ بێ ڕابەرایەتی قبوڵ بکەرمۍ. نزیکەو ٤ ساڵان بەتەمامی حیچ زانیاریێوە جە ڕابەر ئاپۆیۆ بە دەسنامان. پېسە جوانا ئاپۆیی، ئیتر ژیۋایۍ بێ ڕابەرایەتی قبوڵ نمەکەرمۍ. بە ئیراڎە و ڕۆحوو گەشمەرڎاوە دژوو گۆشەگیری ٢٦ساڵە و فاشیزمی ئەرەکۊشمۍ و ڕووە جە ژیۋای ڕابەرایەتی و کەشە ئازاڎەکا کورڎەسانی مکەرمۍ."

ژیۋایۍ پی جۊرە دلۍ سیستمێوە دڕندەینە قبوڵ نمەکەرمۍ

جوانەکۍ ئاماژەشا پانەی کەرد کە سیستەمی پڵۊسنەروو فاشیست پەی دلېنەبەردەی ڕابەرایەتی و تەڤگەری ئازاڎیی گرڎ جۆرە پلانێوە قڕکەردەی مجۊرە و پی جۊرە بەردەوامۍ بیۍ: "جە ۋەرا ۋەروو دوژمنینە گەریلاکاو یەژا ستاری و هەپەگەی جە زاپ، ئاڤاشین و مەتینانە داستانوو مڎرامانی منۋیساوە و بە ئۆپراسیۆنی شۆڕشگێڵنی حەقەمکەراوە. چی قۆناغېنە پێویسا گرڎ کەسێ ئەرکوو ۋەرپرسیاریی جە ئەستۆ بگێرۆ. پێویسا جوانا و ژەنا عال چانەی بیاوانە ژیۋای دلۍ سیستموو فاشیزمینە نامۍ ژیۋایش ۋنە مەنریۆ، چونکی فاشیزم جگە جە ژیۋایۍ کۆیلایەتی حیچی تەرش نیا پەیما. ژیۋایۍ پی جۊرە قبوڵ نمەکەرمۍ کە گرڎ ڕووۍ مرۆڤەکا و ئیکۆلۆژیای دلېنە مبەرۆ."

بیشەنگ، سارا و تۆلهەلدان ڕانیشاندەرێمانۍ

جوانەکۍ، ئەرەیاۋناشا یاڎکەردەیۆ هامڕا گەشمەرڎەکاشا بە نامەکاو بیشەنگ، سارا و تۆلهەلدانی کە نمایندۍ زېڵۍ مڎرامانوو گەنجیەتی، ژەنا و جوانا مکەرا، پېسە ڕانیشاندەروو ۋێشا مویناش و واتشا: "بە زېڵۍ مڎرامانوو ئا هامڕایاشاوە بەشدارۍ ڕابەرایەتی بانۍ."

ئەرەیاۋناکەی پی جۊرە بەردەوام بۍ: "پېسە جوانا قەولما دان چنی ڕابەرێتی بژیومۍ، بیمۍ بە پارێزنەرۍ ڕیزەکاو گەریلای، کە دژوو فاشیزمی، بنیاڎنیای ژیاۋای ئەخلاقی و مرۆڤایەتی پارێزنۆ، پېسە وارگەو ژیۋای حەقیقەتوو ۋێما موینمێش. هەر جوانێوە گەرەکشا جە ژیۋایۍ ئازاڎیی پی جۊرەنە بژیۋۆ، ئانە جە کەشە ئازاڎەکانە ڕاش مبۆوە. سەرو ئی بنەمایۍ داوا جە گرڎوو جوانا و ژەنا مکەرمۍ کە ئاشنۍ با بە حەقیقەتی و بەیانۍ دلۍ ڕیزەکاو پەکەکەی و پاژکیوە! داوا جە گرڎ کەسۍ مکەرمۍ، سەرو ڕاو بیشەنگەکا، ساراکا و تۆلهەلدانەکا ئێروو مڎرامانی گەشبکەرا."