کەجەدەکە-ئە بۊنەو جەژنەو قوربانیۆ پەیامێوەش وەڵاکەردۆ و ئەرەیاۋناش، "پەشتیوانی ماددی و مەعنەوی ۋېشا زېیاتەر پەرە پنەبڎا، خاوەنداری جە گەلەکەیما جە دلېینەینە بکەرمۍ کە هەژارۍ و کەمدەرامەتېنۍ، ڕۊو یەکڕیزی و هامپەشتی بەقوەت بکەرمۍ".
کەجەدەکە-ئە بۆنەو جەژنەو قوربانیوە ئەرەیاۋنېوەش وەڵاکەردۆ و جەژنەو قوربانیش جە گرڎوو مرۆڤایەتی، بە تایبەتی گەلوو کوردی پیرۆزە کەردە.
ئەرەیاۋناکەو کەجەدەکە-ئەی پی جۆرەنە:
"بە بۆنەو جەژنەو قوربانی جەژنە جە جیهانی ئیسلامی، گەلا چەوەسیای، گەلوو کوردی و گرڎ کەسێ کە پەی ئازاڎیی ئەرەکۊشۆ، پیرۆز مکەرمۍ. بۆنەو جەژنېوە ئێمە جە دژوو هەڕەشەکاو ئەرەگیری سەرو گرڎوو پارچەکا کورڎەسانی، جە گرڎ وەختۍ عالتەر خاوەنداری جە یۊبیەی نەتەوەیی مکەرمۍ.
هامپەیمانی فاشیستی ئاکەپە-مەهەپەی جە ڕۊو جەژنەو قوربانی مبارەکیچەنە سیاسەتوو قڕکەری ۋێش سەرو جوگرافیاو کورڎەسانینە درێژە پنەمڎۆ.
دەسەڵاتداری ئاکەپە-مەهەپەی کە خاوەنوو ئەقڵیەتوو داعشین، ڕا مەڎۆ گەلەکەما جەژنە پیرۆزە بکەرۆ و بە هجوومەکاش ڕاگیری جە جەژنۍ مکەرۆ. جە هجوومەکاشەنە پەی سەرو مەنتیقە ئەرەنیشتە مەدەنیەکانە زاوڵۍ، ژەنی و بەتەمەنەکا و گرڎوو گەلوو کوردی مکەرۆ ئامانج.
ئەردۆغانی ساختەکار و حکومەتەکەش، پەی جابەجێکەردەی قڕکەردەی کوردا جە شەنگال، مەخمور، پانیشتوو کورڎەسانی و ۋەرنیشتینە، سەرو گرڎوو کورڎەسانی هجوومی ئەرەگیری درێژە پنەمڎا. ئەردۆغانی دیکتاتۆر کە ئایین، ئەخلاق و یاسا مەشناسۆ، جە ۋەرا ۋەروو مدرامانوو گەلەکەیمانە و ئۆپۆزسیۆنی دیموکراتیکینە شکس مارۆنە.
پێویسا ئێمە پەشتیوانی ماددی و مەعنەوی ۋێما زیاتەر بکەرمۍ، خاوەنداری جە گەلەکەیما جە دلېنەو وڵاتینە بکەرمۍ، کە ئینا ئاژەو هەژاری و کەمدەرامەتینە، رۆحوو یۊبیەی نەتەوەیی و پەشتیوانی هامبەش بەقوەت بکەرمۍ.
پېسە کەجەدەکەی ئێمە هومېڎەوارێنمۍ ئی جەژنۍ ئازاڎیی، یەکسانی، واڵە و برایەتی، دیموکراسی و دادپەروەری پەی گەلەکەیما و مرۆڤایەتی ستەمۋنەکریای چنی ۋێش بارۊنە، ئێمە جەژنە جە گرڎوو مرۆڤایەتی پیرۆزە مکەرمۍ. هیواڎارێنمۍ کە ئی جەژنۍ بۆ بە مایۍ ئانەی پەشتیوانی و هامبەشی پەی کوردی زیاتەرۍ با".
