کۆنفرانسوو گەنجاو وەرکەوتوو دلێراسەی و سەرنیشتوو ئەفریقای بە بەشداریی ٢١ ڕێکوستەیا گەنجا بەیرووتوو پایتەختوو لوبنانینە دەسش پەنە کەرد. کۆنگرەکە بە دروشموو "گەنجێ و بنیاتنیای ئایندێوی ئازادی" مکریۆ. کۆنگرەکەنە باس جە کێشەکاو گەنجا، چارەسەرەکێ، وەرگێریی ڕەگەزپەرسی، کێشەکاو ئازادیی ژەنا، چەنی چالاککەردەی دەوروو گەنجا، پەرەپەنەدای یۆبییەی و کۆشیای گەنجا قسێش سەر مکریۆ.

ئا ڕێکوزیا و ئەرەمەرزیایاو گەنجا، کە بەشدارییشا کۆنگرەکەنە بێ : یۆبییەی گەنجە دیموکراتاو عێراقی، بەشوو وانیارا پارتی سۆسیالیستوو یەمەنی، یۆبییەی گەنجە وەڵێکەوتەیوازاو سووریای، چالاکاو سەحراو وەرنیشتی، جمیەروو ئایندەو گەنجاو مۆریتانیای، یۆبییەی گەنجە وەڵیکەوتەیوازاو  میسری، یۆبییەی ژەنە گەنجا، گەنجاو مەجلیسی کۆمەڵایەتیی ئەرمەنستانی، ئەنجوومەنوو گەنجاو سوریای دیموکراتیکی، ئەرەمەرزیاو نەبرا تیم کۆشی پەی بۆ ڕۆشنویری و نەریت و خێروازی، گەنجاو یۆبییەی نیشتمانیی بەیت نەهرەینی، ڕێکوزیاو گەنجاو کوردستانی، جمیەروو گەنجە چەپە شۆڕشگێڵناو سوریای، ڕێکوزیاو ڕێنێسانسوو وانیارا و گەنجاو کوردستانی، جمیەروو گەنجاو میسری، گەنجاو حیزبوو شیوعیی کوردستانی، یۆبییەی لاواو کوردستانی، کۆنگرەی دێموکراتوو گەلی، ڕێکوزیاو ئازادیی گەنجاو کوردستانی، کۆمەڵەو نویسەرا و چالاکاو یەمەنی و کۆمەڵەو هامکاری پەی ژەنا و زارۆڵاو ئەفغانستانی.

کۆنفرانسەکە ٢ ڕوێ مخواینۆ، ڕۆو ئەوەڵینە کاریگەریی مۆدێرنیتەی سەرمایەداری سەروو گەنجا، کۆشیای و ئەزموونەکاو وێڕاوەبەریی گەنجا، دلێنەبەردەی سروشتی و ژیوگەی، بارودۆخوو ژەنە گەنجا و ئازادیی ژەنا تاوتۆ مکریانێ. ڕۆی دووەمنە سەبارەت بە کێشەکاو گەنجا و دەوروو گەنجا جە پەرەپنەدای کولتوورو ژیوای هامبەشی و شێوازەکاو وەڵێوەبەردەی یۆبییەی و پەیوەندیی بەینوو گەنجا وۆرک شۆپێوە بریۆ ڕاوە.