سەروو بانگەوازوو فێمینیستەکاو ئابیا یالای ئەرژەنتینەنە و ئۆرۆگواینە و چیلی و مەکسیک و پایس باسک و بۆلیڤیا و هندۆراسنە شاندێوە  بە بەشداریی فێمێنیستەکا چەنی دۆسەو کوردی لۆلیتا چاڤێز ئاخیم خولێولیەوە مگێڵانیوە زێدو وێشا.

 ٢٢ێ حوزەیرانینە چیاپاسنە "کەرەڤانەو گێڵایوە پەی گلێرگەی" پەی یادکەردەیوە ئا کەسا پەی ئازادی بە دەسوو هێزە سەردەسەکاو جیهانی مەردێنێ و کۆچبەرێ کریێنێ، بە مەراسیمێوە دەسش پەنە کەرد. شاندەکە چا یاگانە کە پۆرەشرە ویەردێنێ درووشـموو "جە ئابیا یالایوە تا کوردستان کۆنفیدراڵیزم مچنمێ" زنجیرە چالاکیێوە مکەرانێ.

دووەمین وێستگەو شاندەکەی شاروو مەکسیکۆو پایتەختینە بۆ، دمایی چند چالاکیێوی هندۆراسنە مکریانێ دەدرێت و سەرێ قەبرەو ژیوگەپارێزن و چالاکو و پارێزنەروو مافەکاو ئینسانوو هندۆراسی بێرتا کاسیرس مکریۆ، کە خەڵاتش بەدەس ئاردەبێ ساڵەو ٢٠١٦ کوشیا. دمایی ملانە گواتیمالا و چا ٢ ڕوێ چالاکی مکەرا.

شاندەکە چا یاگانە کە ملاش پۆرە  پەی بونیادنیای کۆنفیدراڵیزمی دیموکراتیکی داوا جە ڕێکوزیایەکاو ژەنا مکەرا و سیمینار پەی ئی مەبەستەیە ڕێک موزانێ.

سیاسەتی دووروستەیوە جە شۆنێ و زێدێ  بەسیستەماتیک لاو سیستموو سەرمایەداریی تاتەسالاریوە پەی دلێنەبەردەی گەلی، بەتایبەت بەئامانجگێرتەی و بێسەروشۆنکەردەی و ئاوارەکەردەی ژەنا، هەرپاسە وەڵێوسەتی فێمنیزمی پێسەو جوابوو کۆشیای گەلی، پەی ژیوایێوی شکۆداری و وەڵێوستەی کۆنفیدراڵیزمی دیموکراتیکوو گەلا و ژەنا، مبۆنە بە بابەتی سەرەکیی سیمیناری و واتەواچەکا.

دلێو شاندەکەینە، فێمێنیستێ نامیێ لۆلیتا چاڤێز، ئادریان گوزمان، کلاودیا کۆرۆل، بێریتا زوێگا هەنێ.

لۆلیتا چاڤێزە کێنە؟

ڕاهیبە ئاورا لۆلیتا چاڤێزە چالاکوانێوی نامیێنە و جە کۆشیای پارێزنای سەرچەمە سرووشتییەکانە دەورێوی گەورەش هەن، پێسە ماچۆ، پەی گەلی مایا کیچێ، سرووشت بە گرد لایەنێوی ژیوایوە لکی دریان، چونکوم گرد چێوێ ساعیبوو ژیوای و گیانین. پێسە، لۆلیتا چندین جارێ ڕووبەڕووەو تۆمەتبارکەردەی و هەوڵاو کوشتەی بیێنۆ. لۆلیتا ناچارە بییە ئاخیم خولێولی جیا بازۆنە، ئا یاگێ لاو هێزە سەرمایەدارەکاوە بە گواتیمالا نامێ مبریۆنە، ساڵەو ٢٠١٧ یـوە ئاوارەیینە مژیوۆ.