دماو ئانەیە حەفتێو چێ وەڵتەر هجوومێوەنە مارکت پلاتزوو شاروو مانهایمینە بە چەقوە ئەفسەرێوی پۆلیس کوشیا، هەزاران کەسێ مجیێرە سەروو جادەکا. هەرپاسە پارتە سیاسییەکێ و ڕێکوزیێ دیموکراسیەکێ، بەتایبەتی ڕێکوزیایەکاو دژوو فاشیستی مانهایمەنە، پەشتیوانیشا وەنەو وێنیشاندەرا کەرد. نوێنەراو ڕێکوزیا گەنجەکاو سەندیکاکا بە قسەکەردەی کۆبییەیۆکەنە ئاڵتەر میسی پلاتزنە ناڕەزایی وێشا بەروست و هجوومەکەشا شەرمەزار کەرد. سەندیکاکێ کاردایوەشا دژوو پڕوپاگەندەو AFD و ڕێکوزیا  فاشیستییە هامشێوەکا سەبارەت بە ڕوودایەکەئ نیشانە دا و داواو یەکڕیزییشا کەرد و واتشا، کە ڕا بە پێکئامە فاشیستە ڕاسلوەکا مانهایمەنە نمەدەیمێ.

هەرپاسە سەندیکا کرێکارییەکێ، پارتە سیاسییەکێ، ڕێکوزیاکاو  گەنجە دژە فاشیستەکا و کۆمەڵەو کۆچبەرا، بەتایبەتی ڕێکوزیاو مانهایمی گگەن ڕێچتس، بە عەلەمە و پلانکارتەکاشاوە مەیدانەکەنە بەشدارێ چالاکییەکەی بێنێ.

یاگێ واتەینە وێنیشاندایەکە مارکت پلاتزە، نزیکەو ٤٠٠٠ وێنیشاندەرێ دژە فاشیستێ بەشدارییشا کەرد.