کۆمەڵەو ڕۆنامەنویسە ژەناو میزۆپۆتامیای ڕاپۆرتێوەش سەبارەت بە پاشێلکەردەی مافەکاو ڕۆنامەنویسە ژەنا مانگەو ئایارینە وەڵاش کەردۆ. ڕاپۆرتەکێنە ئاماژە پانەیە کریان، کە پاشێلکەردەی مافوو ڕۆنامەنویسە ژەنا زەرەریوی گەورەن دژوو کۆشیای پەی یەکسانیی ڕەگەزی کۆمەڵایەتی.

ڕاپۆرتەکینە ئامان، "فشار موزیۆ سەروو ڕۆنامەنویسا، نەک تەنیا مافی تاکەکەسییشا پاشێل مکریۆ، بەڵکوم مافوو ڕای گردینی پەی ورگێرتەی زانیاریی دروسی و بێلایەنییچ زەرەرش پەنە میاوۆ."

ئەرەیاونایەکەنە ئامان ماوەو یەک مانگانە ٢٤ ڕۆنامەنویسێ دادگایێ کریێنێ و ٨ ڕۆنامەنویسێ ژەنێ زیندانیێ کریێنێ، حەرپاسە ئاماژە پانەیچە کریان، پەنەوازا ڕاوشۆنی بەپەلە بگیریۆرە وەر پەی زامنکەردەی سڵامەتیی ڕۆنامەنویسا و پارێزنای ئازادیی ویروڕای.