مېیانو نویسەرا ئێرانی، سەپنای سزاو جەقەنارەدای سەرو وەریشە مورادیۍ و پەخشان عەزیزیۍ و هەرپاسە تۆمەتباراو دۆسیەو ئشناسیا بە "ناوچەو ئیکباتان"یشا شەرمەزارکەرد و داواش کەردە گرد جە دژو سەرکوت کەردەی و قەنارەدای دەنگ هوربڕا.
مېیانو نویسەرا ئێرانی جە ئەرەیاونێوەنە بۆنەو ساڵڕۆو وینشینداکا خەزەڵوەرو ٢٠١٩ یۆ بە تنی سەپناو سزاو قەنارەدای سەرو وەریشە مورادیۍ و پەخشان عەزیزیۍ و شش تۆمەتبارا دۆسیەو ئشناسیا بە دۆسیەو ناوچەو ئیکباتانیش شەرمەزار کەرد.
جە ئەرەیاوناکەینە سەبارەت بە دۆسیەو وەریشە مورادیۍ و پەخشان عەزیزیۍ ئەرەیاونانش، "ئا دووە زینانێ جە پرۆسێنە دادگایی کریێنی کە جە مافەکاو بییەی پارێزنەری هۆرچنریای، دەسپنەیاوای بە دۆسیە و وەرگریی کەردەی جە وێشا جە دادگانە مەحرومۍ کریێنۍ و سزێکێشا بە پاو ویستو مېیانە ئەمنییەکا وەڵێ وەختە دیاریکریابی."
هامکات سەبارەت بە دۆسیەو شارۆچکەو ئێکباتانیچ کە بەتۆمەتو کوشتەو ئەندامێ بەسیجی سزاو جەقەنارەدای سەرو شش جوانا ئا ناوچەیرە سەپیان، مېیانو نویسەرا ئێرانی جەختش جە نادادپەروەرانە بیەو پرۆسەو دادگایی و سزاکۍ کەردەنۆ.
مېیانو نویسەرا ئێرانی ئەرەیاونانش: "پاڵپەشت بە رۆح و جەوهەری گردی پەیڕەو و پرۆگرامو مېیانەکەیما سزاو قەنارەی بە سزێوە نامرۆڤانەی منریۆرە و سەپناو ئی سزێ پەی هەر تۆمەتبارێ، بە هەر تۆمەت و تەماشەکەردەیێوە بە تنی شەرمەزار مکەرمێ".
ئا مېیانە سەرەڕاو داکۆکی جە گێڵنایۆ مافی پەی زەرەرمەنڎا و قوربانیا وینیشانداکاو خەزەڵوەرو ٢٠١٩ ی و سەرهۆرداو ژەنی، ژیوای، ئازادی ئەرەیاوناش: "پەنەوازا گرد جە دژو سەرکوت کەردەی و قەنارەی دای دەنگ هوربڕا".
