نەتەوەیۆگێرتەکێ: ٨٠ هەزار فەلەستینیێ ناچارێ بیێنێ رەفەحی جیا بازا
ڕێکوزیاو پەنابەراو فەلەستینوو نەتەوەیۆگێرتەکا (UNRWA) بەیاننامێونە واتەنش ٦و ئایاریوە تا ئیساتێ نزیکەو ٨٠ هەزار فەلەستینیا ناچارێ بیێنێ شارو ڕەفەحوو پانیشتو کەرتوو غەززەی جیا بازانێ.
ڕێکوزیاو پەنابەراو فەلەستینوو نەتەوەیۆگێرتەکا (UNRWA) سەروو میدیایی دیجیتاڵیی ئێکسیوە بەیاننامێوەش ئرمانان و واتەنش: " ٦و ئایاریوە کە هێزەکاو ئیسرائیلی ئۆپراسیۆنەکێشا زیادێ کەردێنێ، نزیکەو ٨٠ هەزار فەلەستینییا تا بتاوا بلا هەرێمەکای تەری، شارو ڕەفەحیشا جیا ئاستەن. ئا بنەیانە فەلەستینێی ڕووبەڕوو ئازار و مەینەتیی فرەی زۆر بیێنێوە."
ڕێکوزیاو پەنابەراو فەلەستینوو نەتەوەیۆگێرتەکا (UNRWA) واتش هیچ یاگێوی ئارامەو ژیوای کەرتوو غەززەینە نەمەنێنە.
دەرەنجامی ئاماروو هجوومەکاو ئیسرائیلی تا مێ زیاتەر مبۆ، بە پاو ئەرەیاوناێوی وەزارەتو تەندروسیی حەماسی ماوەو ٢٤ سەعاتاو وەڵێنە ٦٠ کەسێ کوشیێنێ. ئانەیچش واتەن، کە ئەوەڵوو جەنگەکەیوە ٧و تشرینوو یوەمیوە تا ئیساتێ ٣٤ هەزارێ و ٩٠٤ کەسێ کوشیێنێ و ٧٨ هەزارێ و ٥١٤ کەسێچ بریندارێ بیێنێ.
