نوام چۊمسکی جە یانەنە چارەسەرییە پزیشکیەکاش هۊرمگېرۆ
زۋانشناس و فەیلەسوفی ئەمریکی نوام چۊمسکی ڕۊو یەرەشەمەی خەسەخانەو ساو پاولۆیش جیائاست و جە یانەنە چارەسەرییە پزیشکیەکاش هۊرمگېرۆ.
خەسەخانەو ساو پاولۆی هەواڵێوە تایبەتش جە ئاژانسوو فرانس پرێنسینە وەڵاکەردۆ و ئەرەیاۋناش کە فەیلەسوفی ئەمریکی نوام چۆمسکی کە جە خەسەخانەکەشانە چارەسەری هۆرگێرۍ، خەسەخانەش جیائاستەن و جە یانەو ۋێشەنە چارەسەری پزیشکی هۊرمگێرۆ.
ئی ئەرەیاۋنایە جە خەسەخانۆ دماو وەڵابیەیۆ بڕۍ زانیارییا جە میدیا دیجیتاڵییەکاوە ئاما کە پاسە وەڵا کریابێوە کە ئا ڕۆشنۋیرە تەمەن ٩٥ ساڵە عەمرەو خوڎایش کەردێنە.
ڤالاریا چۆمسکیەی هامژینەش بە ئاژانسوو فرانس پرێسیش ئەرەیاۋنان کە هەواڵوو مەردەی هامژینەکەیش دورا جە ڕاسیوە.
چۆمسکی کە پەشتیوان و دۆسوو گەلوو کوردین، جە دژوو ئەرەگیریەکاو ئەمریکای جە عێراقەنە و حەرپاسە وەڵتەریچ دژوو جەنگوو ڤیتنامی مرداوە. چۆمسکی چنی فیدەل کاسترۆی سەرکردەی چەپگەراینە جە ئەمریکای پانیشتەنە نزیکایەتیش هەن. ساڵانێوەن پېسە پرۆفیسۆروو بواروو زۋانشناسی جە زانشتگەکانە ۋەنە مڎۊوە.
