پەیاموو کەجەکەی پەی جەژنەو قوربانی
کۆمیتەو گەلی و باوەڕەکاو کەجەکەی جەژنەو قوربانییش مەبارەکە کەردە و داواش وەنەو گرد لایێوە کەرد، دژوو دەوڵەتی قڕکەروو تورکی کۆشیاێوی ڕێکوزیا و قەوەت بکەرا.
کۆمیتەو گەلی و باوەڕەکاو کەجەکەی بە بۆنەو جەژنەو قوربانیوە ئەرەیاوناێوی نویسیاش وەڵا کەردۆ، کەجەکە جەژنەو قوربانییش جە جیهانی ئیسلامی مەبارەکە کەردە و ماچۆ: "هومێدما هەن ئی جەژنێ پەی گەلە موسڵمانا بۆ مایێ ئاشتی و ئازادی و ئارامی و یۆبییەی و واڵەوبرایی".
ئینە ئەرەیاونایەکەو کەجەکەین:
"جەژنە دلێ گلێرگەو موسڵمانانە پێسە ڕۆو ئاشتی و پەشتیوانی و هامبەشی خێرامایش وەنە مکریۆ. هاموەخت جەژنە کەلتوورو کۆشیای مرمانۆوە و دژوو ئەرەگیرکاری و دەسملەرەگێرتەی ئیرادەی و ئا کەسێ کە ددان بە ماف و یاسێرە نمەنیان. هومێدما هەن جەژنەو قوربانوو ٢٠٢٤ ئی هەست و ئەرەمەنەیە دلێ گەلەکەیمانە گەورەتەر بکەرۆ.
پێسەو جەژناو وەڵتەری، چی جەژنێچەنە گەلێ موسڵمانێ و گەلوو کوردی ئینێ چێروو هجوومێوی گەورەینە. گەورەکەردەی پەشتیوانیی گەلوو کوردی و لایەنە موسڵمانەکا دژوو هجوومەکاو دەوڵەتی قڕکەروو تورکی، هەرپاسە کۆشیایشا دژوو زیهنیەتی قڕکەری، بە ئیسفادەو گەلا ممەڕیۆوە. دژوو دەوڵەتوو تورکی کە نکۆڵی وەنەو کوردا مکەرۆ، بییەیشا قەدەغە مکەرۆ، ددان بە ئیرادەیشارە نمەنیۆ، کورد پێسەو جڤاکێوی لاوازی موینۆ، گرد جۆرە چالاکییێوی ڕەوان. ئانە کە ئیسلاموو موحەمەدی سەروو کوردە موسڵمانارە فەرزش مکەرۆ ئانەنە کە دژوو دەسملەرەگێرتەی ئیرادەی لاو زاڵماوە، دژوو نادادییەکا و گۆشەگیری و ئەشکەنجەی، کۆشیای گەورە بکەرا. ئارۆنە عیبادەتەکێما بەبێ کۆشیای دژوو گۆشەگیری و ئەشکەنجە و تاڵان و دەسملەرەگێرتەی، مەبارەکێ نمەبانە.
مافی حەرە سرووشتی گرد جڤاکێوە ئانەنە، سەروو شناسنامە و زوان و کەلتوور و خاکوو وێشا بژیوانێ و وێشا بەرانێ ڕاوە. بەڵام دەوڵەتوو تورکی مافە سرووشتییەکاو ئینسانوو کوردی زەوت مکەرۆ. دەسملەرەگێرتەی مافەکاو کوردی، دداننەنیایپۆرەی ئیرادەو کوردی، پەشتکەردەین وەنەو ئیسلامی.
ڕابەروو کوردا چێروو هەلومەرجی سەختوو گۆشەگیری و ئەشکەنجەینە، ئیرادەو ئی گەلەیە گیریان، مافەکێشا نکۆڵییشا وەنە مکریانێ، چێروو زوڵموو زاڵمانە هەوڵێ قڕکەردەیشا مدریا، پەوکای مشۆم کورد کۆشیای وێش پەی بەدەسئاردەیوەی مافەکا، خاوەندارێتیکەردەی جە ئیرادەو وێش، پێسەو عیبادەتێوە بوینۆ. گەرەکمانە جارێوی تەر ئانەیە ویر بوزمێوە، کە هەرمانەو موسڵمانا ئانێنە، کە جەژنێ بکەرا بە بۆنێوی پەی کۆشیاێوی چانەیە. پی مانێ ئا موسڵمانێ باوەڕشا بە خەتەو موحەممەدینە، مشۆم بزانا تا دژوو ئەرەگیرکاریی تورکی نەمدراوە، هیچ عیبادەتێوەشا نەیاوۆ مانا مەبارەکەکێش. پێویسا موسڵماناو تورکی بزانا، کە کۆشیای دژوو سیاسەتوو قەیومی و دەسملەرەگێرتەی ئیرادە و زیهنیەتوو ئەرەگیرکەریی ئاکەپە-مەهەپەی، بایی عیبادەتێوە خێرەنە. پی بۆنەوە داوا وەنەو گردوو ئا موسڵمانا مکەرمێ، کە دڵسۆزێنێ پەی بەها دیموکراتیکەکاو ئیسلامی، جە ڕیزوو کۆشیای هامبەشینە یاگێ بگێرا.
موسڵمانە بەڕێزاو کوردستانی، گەرەکمانە یادتا بوزمێوە، ئی جەژنێچە پێسەو جەژنای تەری، ئەولەویەت ببەخشانە بە سەردای قەبرساناو گەشمەردا و بنەیانەو گەشمەردا و بنەیانەو زیندانییا و نەوەش و پیر و موحتاجەکێ. ئانێ هامکاری و قوربانیی مکەرا، تا هامکارییەکاشا بیاونا کوردستانییە موحتاجا، با هامکارییەکێشا ڕاو ئەرەمەرزیا وەڵاتپارێزنەکاوە بیاونا.
ئێمە پێسەو تەڤگەروو ئازادیی کوردستانی جارێوی تەر پی هەست و ئەرەمەنەیوە جەژنەو موسڵماناو کوردستانی و گەلە موسڵمانا مەبارەک مکەرمێ. داوا جە گرد لاێوە مکەرمێ، دژوو دەوڵەتی ئەرەگیرکەری و قڕکەروو تورکی، بەرێوی هامبەش و ڕێکوزیا و قەوەتەنە بکۆشیا".
