جە ١٠ و تشرینو یووەمو ٢٠٢٣ جە سەرانسەرو جیهانینە جە ٧٤ شارێنە حەولدای پەی "ئازادیی عەبدوڵا ئۆجالانی، چارەسەری سیاسی پەی پرسوو کوردی" دەسش پنە کەرد. زینانیا سیاسی جە سەرنیشتوو کوردسانی و تورکیای جە چوارچێوەو هەڵمەتەو ٢٧ و تشرینو دووەموو ٢٠٢٣ دەسشا بە مانگێرتەی واردەی کەرد، جە ٤ و نیسانی چالاکییەکێشا بەردێ قۆناغێوە تازێ و چەم پنەکەوتەی و تەلەفۆن و لوای پەی دادگایشا بایکۆت کەرد.

هاموەخت قۆمێ زینانیا دەسشا بە ئێشکگیری دادپەروەری کەرد، دماتەر چالاکیییەکێشا بەردێ قۆناغێوە تازە و پەی پەشتگیری جە زینانیا کەرەکشا بێ جە ئەنقەرەنە چنی وەزیرو دادی گلێرێ باوە، بەڵام وەختێ سەرسەعب لوێ وەردەمو وەزارەتی ڕاشا وەنە گیریا.

پەرلەمانتارا دەم پارتی و قۆمێ زینانیا جە پەرلەمانەنە ئامێ وەردەموو وەزارەتی، بەڵام ڕاشا پەنە نەدریا پاسەکانە وەزارە، پۆلیسەکێ بە ئەڎایاشا وات "پێویست بە شلۆقی مەکەرۆ" و ڕامەرا چەمشا بە وەزیرودادی کنۆ.

پەرلەمانتارو دەم پارتی، سیری ساکیک بە پۆلیسەکاش وات: "شمە کێندێ؟ کەس مەتاوۆ چەودیمو شوشە تاریکەکاوە ئەمرەما سەرەرە کەرۆ. ئەگەر پێویس کەرۆ ئەرەکۆشیەیمێ، ئەڎایا ئارۆ هەرچیشا گەرەک  بۆ ئێمە کەرمێش".

ئەڎایا ناڕەزایەتیشا وەرانوەرو پۆلیسی بەربڕی ئەرەیاوناشا ئارێ پەی چارەسەری ئینێ چێ، واتشا: "شمە ڕا مەرەیدی قسێ کەرمێ. "چەنەویەردەی گردیی" پەی گردی بەرکەردێ، بەڵام ڕۆڵەکاما زینانە مازدێوە. ئێمە واچمێ با گۆشەگیری ورگیریۆ، پەی ئانەی ئینایمی چێ. پەی مدراو ونێ ئینایمی چێ. موخاتەبوو ئێمە وەزیروو دادین".

دماو ئانەی ڕاشاوەنە گیریا بلا دلێ وەزارەتو دادی، ئەڎایا وەردەموو بەرەو پەرلەمانی کۆنفرانسی ڕۆنامەوانیشا بەست.

دماتەر بە درووشمەکا "بژیوۆ مدرامانو زینانیا" و "ماف، یاسا، دادپەروەری" لوێ دلێ پەرلەمانی