بە سەڎان کەسۍ جە ئەرەنیشتا شارەکەی ۋەردەموو خەسەخانەو گەشمەرڎە هۆگری دێرکینە کوۍ بیێوە و تەرموو گەشمەرڎۍ دەلیلا جودیێشا هۊرگێرتۆ. دماو هۊرگێرتەیۆ تەرمەکەی ڕووەشا کەردە قەبرسانوو گەشمەرڎە خەباتی جە دێرک.

گەشمەرڎۍ دەلیلا ١٣و حوزەیرانی بەمەڵامەتوو رووەدایێوە گەشمەرڎۍ بییە.

سەروو قەبراو گەشمەرڎاوە، هامسەرۆکاو ئەنجومەنوو بنەیانەو گەشمەرڎا گرکێ لەگێ محەمەد جەمیل قسێش کەردۍ و قەولوو درێژەدایش بە ڕاو گەشمەرڎا، پارېزنای بەهاکاو شۆڕشی و خاکوو هەرێمەکەی تازە کەردۆ.

حەرپاسە ئەندامەو ئەنجومەنوو شارو دێرکی زەینەب محەمەدە قسێش کەردۍ  و دەورو گەشمەرڎاش جە رزگارکەردەی هەرێمەکەینە، ئارڎەی دی سەقامگیری و ئارامی، وست ڕووە.

جە دمادمایی مەراسیمەکەینە بەڵگەنامەو گەشمەرڎەبیەو گەشمەرڎۍ دەلیلا جودیۍ جە لایەنوو ئەنجومەنوو بنەیانەو گەشمەرڎاوە ۋنیاوە و رادەسوو بنەیانەکەیش کریاوە.

دماتەر تەرموو گەشمەرڎۍ بە هەلهەلەو ئەڎایا ئەسپەرڎە بە خاکی کریا.