هامسەرۆکەو گرڎینەو پارتوو یەکسانی و دیموکراسیی گەلا (دەم پارتی) تولای حاتەم ئۆغۆللاریە و شاندێوە یاوەرش جە مەنتیقەو جورنەڕەشی و ۋێرانشاری و سەرێکانی بۊنەو جەژنېوە سەردایشا کەرد. سەرەتا سەردای جورنەڕەشیشا کەرد، هامسەرۆکاو شارەوانی و ئەنداماو مەجلیسوو شارەوانی پێشوازیشا جە شاندەکەی کەرد. 

جە سەرداکەینە حاتەم ئۆغۆللارییە ئەرەیاۋناش بەدەسئاوردەی جورنەڕەشی پەی ئێمە سەرکەوتەیۍ گەورە بۍ.

دماتەر سەردای شارەوانی ۋێرانشاری کریا، چنی هامسەرۆکاو شارەوانی و ئەنداماو مەجلیسوو شارەوانی کوۍ بیېوە و جەژنەشا پیرۆزە کەردە. جە کۆبیەیۊکەینە وچیا: "پێویسا چی قۆناغېنە زیاتەر دلۍ گەلینە بیمۍ. کەس گومانەش نەبۆ، ئێمە شارەوانی گلېرگەی و گەلپارێزنی وەڵۍ وزمۍ".

دماتەر شاندەکە سەردای سەرێکانیش کەرد، هامسەرۆکا شارەوانی خېرامای شاندەکەیشا کەرد. حاتەم ئۆغۆللاریە ئەرەیاۋناش جە گرڎ شۊنێنە دژوو سیاسەتوو قەیومی مردمېوە.