دۆزی دووەموو کۆبانێ جە دژوو ئەنداماو هەدەپەی حەریۆ جە سیاسەتمەدارا هودا کایە، سەرپیل کەمالبەی، فاتمە کورتولانە، گارۆ پەیلانە و پەرۆ دوندا دەسپنە مکەرۆ.

قەرارا ڕۆو یەرە شەممەی سەعات ١٠:٠٠ جە گېرتەخانەو سینجانینە یووەم ئەرەنیشتەو دۆزی دووەموو کۆبانێ بلۊڕاوە.

جە دۆزکەنە کە جە لایەنوو دادگاو سزاو تاوانە قورسەکا ئەنقەرەیۆ بریۆ ڕاوە، گەرەکشا بە ٣٨ جارۍ سزای تنەو زیڼانیکەردەی هەتاهەتای و ١٩ هەزارۍ و ٦٨٠ ساڵۍ سزاو زیڼانیکەردەی سەرو سیاسەتمەدارا هەدەپەیرە سەپنۊنە.

جە شەکوا نامەکەنە ٢٩٨ پەڕۍ ئەوەکۊڵیای دژوو سیاسەتمەدارا ئاماڎەکریان جە  ٢٢ۍ ئایارینە ڕەوانەو دادگاو تاوانە قورسەکا ئەنقەرەی کریان.