ئامەد و ئێلیحنە یادوو ئا کەسا کریاوە، کە دەوڵەتوو تورکی کوشتێنێ
بنەیانە بێسەروشۆنکریێکێ و ئەنداماو ئیهەدەی ئامەد و ئیلیحنە پەی ڤەژدین ئاڤجل، ساڵح چەلیک و سینان فیدانی، کە دەوڵەتوو تورکی کوشتێبێنێ، جەمێ بیێوە.
کەسوکاروو بێسەروشۆنکریایا و ئەنداماو لەقوو ئامەدوو کۆمەڵەو مافەکاو ئینسانی (ئۆهەدە)ی چالاکیی 'با بێسەروشۆنکریێ بوێزیاوە و بکەرەکێشا دادگایی بکریا' کە ٣١و کانونوو دووەموو ٢٠٠٩ دەسشا پەنە کەردەبێ، حەفتەو ٨٠١ەمینیشا درێژە دا پەنە.
کەسوکاروو بێسەروشۆنکریایا و وەرگێریکاراو مافەکاو ئینسانی وەردەموو مۆنۆمێنتوو یاشام حەقیینە پارکوو کۆشویۆلوینە ڕەزانوو ئامەدینە جەمێ بیێوە. نوێنەروو ئیهەدەی ئەرۆل ساچاکلی بە نامێ چالاکاوە دژوو قەراروو ئازادکەردەی ئا پۆلیسەیە دۆسیەو تاهیر ئەلچینە دادگایی کریێ، بەروست.
چالاکییەکەو ئی حەفتەینە پرسیارە بارەو بکەراو بێسەروشۆنکریایا ڤەژدین ئاڤیلیوە وزیا ڕووە، کە ١٢ حوزەیرانوو ١٩٩٤ دێرکوو مێردینینە دماو گێرتەیش ئیتر هیچش بارەوە نەزانیان و دماییچ پیشەکێش قەبریوی کۆمەڵەنە وێزیێوە.
ئەندامەو کۆمسیۆنوو بێسەروشۆنکریایاو ئیهەدە فەرفین ئەلچی چیرۆکەو ڤەژدین ئاڤجلیش واناوە.
ئێلیح
ئەنداماو لەقوو ئێلیحوو ئیهەدەی و کەسوکاروو بێسەروشۆنکریایا حەفتەو ٦٣٧ەمینینە چالاکیی 'با بێسەروشۆنکریایا بوێزمێوە و بکەرەکاشا دادگایی بکریا' وەردەموو مۆنۆمێنتوو مافەکاو ئینسانینە جادەو گوڵستانینە کەرد.
چالاکییەکەو ئی حەفتەینە پرسیارە وەنەو چارەنویسوو سینان فیدانی و ساڵح چەلیکی کریا، کە ٦و حوزەیرانوو ١٩٩٤ مەنتێقەو کارازو ئامەدینە بێسەروشۆنێ کریێ.
ڕاوەبەروو لەقوو مەلەت ئاتالای چیرۆکەو چەلیکێ و فیدانیش واناوە.
