ئێران سزاو زیڼانیش سەرو چالاکېوە کورڎیرە سەپنا
تۊڕەو مافو مرۊڤوو کورڎەسانی وەڵاش کەردۆ کە سزاو یەرۍ ساڵا و چوار مانگا زیڼانی سەرو چالاکۍ کورڎیرە سەپیان.
بەپاو هەواڵێوە ئا تۆڕۍ کە چەمڎاری ئاژەو مافوو مرۆڤی جە ۋەرکەوتوو کورڎەسانینە مکەرۆ، دادگاو شنۆی سزاو ٣ ساڵا و ٤ مانگا زیڼانیش سەرو چالاکېوە سیاسی کوردیرە بەنامۍ یوسف حاجی-رە سەپنان.
جە ئەرەیاۋناکەینە ئامان، کە یوسف حاجی بە تۆمەتو 'زەرەر یاۋنای بە ئاسایشوو نەتەوەیی' ئا سزێشە سەرەرە سەپیێنە.
جە ئێرانەنە کورد و ۋەرهەڵستکارا تەری بە تۆمەتەو هەڕەمەکی و بێ بنەمای، جە ئەرەنیشتێوە چن دەقەیینە دادگایی مکریا و سزای قورسە، پەی ۋێنەی سزاو جە قەنارەدای و سزاو زیڼانی درێژخایەبیشا پەی بڕیۆوە.
