ئیشکگێریی دادپەروەریی ئەمینە شەنیاشارێ ڕۆو ١٢٤ـەمینینە بەردەوام بی
ئیشکگێریی دادپەروەریی ئەمینە شەنیاشارێ بە داواو دادگاییکەردەی دۆسیەکاو بنەیانەو و ئازادکەردەی کوڕە زیندانیکریاکەیش ئەنقەرەنە دەسش پەنە کەردەن، ڕۆو ١٢٤ـەمینینە بەردەوام بی.
چالاکیی ئیشکگێریی دادپەروەریی ئەمینە شەنیاشارێ بە داواو دادگاییکەردەی تاوانبارا (کەسوکار و لایەنگێراو ئیبراهیم خەلیل یڵدزی پەرلەمانتاروو ئا وەختەو ئاکەپەی)، کە هامژیوەکێش و دوێ کوڕێشا ١٤و حوزەیرانو ٢٠١٨ کوشیێ، بەردەوامییش هەن. شەنیاشارە، چالاکیی ئیشکگێریی دادپەروەرییەکەیش ڕوحانە فاڕاوە پەی ئەنقەرەی و ڕۆو ١٢٤ـەمینە بە دروشموو پەی بنەیانەو شەنیاشاری و گرد کەسێوە دادپەروەری بەردەواما جە چالاکییەکەی.
شاندێوی پەرلەمانتاراو دەم پارتی سەرداێ ئەمینە شەنیاشارێشا دا.
قەرارا سەبای ئەرەنیشتەی دادگاو فادل شەنیاشاری، کە زیندانوو خارپێتینە گیریان، شاروو مەلەتیینە بکریۆ. هەرپاسە ئەمینە شەنیاشارە دماو ئیشکگێرییەکەی لوا پەی ڕوحای و چایچۆ ملۆ مەلەتی تا ئەرەنیشتەیەکەنە بەشداری بکەرۆ.
