'یەژا ستار سوپاو پارێزنای ژەنە چەوەسیایان'
گەریلاکا یەژاستاری ئانەشا وست روە کە نەک هەر پەی ژەنا کوردەسانی، بەڵکم پەی گرڎو ژەنە چەوەسیایا ئەرەکۆشای مکەرا و واتشا، "ئێمە هێزو پارێزنای گردو ژەنا چێردەسی و چەوەسیایانمێ".
بە دیمەن
گەریلاکا یەژاستاری بۆنەو ٢٥و تشرینی دووەمی ڕۆو جەهانی وەرەنگاربییەیۆ تنوتیژی ۋەرا ۋەر بە ژەنا سەرنجشا وست سەرو پەرسو تنوتیژی ۋەرا ۋەر بە ژەنا جە سیستەمو پیاسالارینە.
گەریلاکا یەژاستاری باسشا چانەیە کەرد کە ملیۆنان ژەنی دلێ سیستمو پیا سالارینە گرڎ ڕوێ کوشیا، دەسدرێژیشا مکریۆنە سەر، گێچەڵەشا پنەمکریۆ یاخوڎ رووبەڕوو تنوتیژی باوە و رەوایەتی پا ژیوایەو ژەنا مڎریۆ.
گەریلایەکۍ ئاردشاوە وە یاڎ کە ڕابەرو گەلو کوردی عەبدوڵا ئۆجالان بە ئایدۆلۆجیا و فەلسەفەو وێشۆ ڕاو ئەرەکۆشای ئازادیش وست وەردەمو ژەنا و دەسنیشانش کەرد کە سوپاو ژەنایچ سەرو ئا بنەمایۍ ئەرەمەزیا.
گەریلاکۍ ئەرەیاوناشا، جە گرڎ مێڎانۍ جەنگی و ژیواینە ئاڎێ سەرمەشقی مکەرا و واتشا، تنوتیژی سیستماتیک جە ڕاو رێکوستەی هامبەشی و هێزو وێپارێزنای ژەناوە متاویۆ دمایش پنە بۍ.
گەریلاکێ باسشا چانەیە کەرد، کە چنین مەنتیقۍ جەهانینە سیاسەتو قڕکەردەی ۋەرا ۋەرو ژەنا پەیڕەو مکریۆ و ئا سیاسەتە بە مڎرامانو پەشتیوانی متاویۆ مەڕیۆ.
گەریلاکۍ یەژاستاری دەسنیشانشا کەرد، کە نەک هەر پەی ژەنا کوردسانی، بەڵکم ئاڎێ پەی گردو ژەنا چەوەسیای ئەرەکۆشا و سەبارەت بە ٢٥و تشرینو دووەمی ڕۆو جەهانی وەرەنگاربیەیۆ تنوتیژی دژو ژەنا ئی پەیامەشا ئەرەیاونا: یەژاستار بەتایبەتی پەی ژەنا کوردەسانی و تورکیای، هەرپاسە ئەفغانستانی و هیندسانی تا ئەوروپا، سوپاو پارێزنای ژەنا چێردەسی چەوەسیایا. بە دروشمۆو 'ژەنی، ژیوای، ئازادی' ئێمە ئەرەگیرا دلێنە بەرمێ. ئێمە هێڵۊو هامڕایا فیداییما پێسەو ئاسیا، روکەن و سارۍ بە بنەما مگێرمێ، کە بەبێ دووەدڵی گیانشا پەی ئازادی بەخشا. پێسەو جەنگاوەرێ یەژاستاری گرد چالاکیەکامانە گورزە جە سیستمو پیاسالاری مڎەیمێ. بانگەوازما جە گردو ژەنە جوانا ئانەن؛ رووە بکەرا دلێ ریزەکا یەژاستاری، بە فەلسەفەو ئاپۆییۆ بەشداری دلێ ژیوایێ زەریفینە بکەرا و ئەرەکۆشای بیاونا بە سەرکەوتەی".
