کۆپنهاگن

لە کۆپنهاگنی پایتەختی دانیمارک هێرشی داگیرکەری دەوڵەتی تورک بۆسەر باشووری کوردستان شەرمەزارکرا.

چالاکیەکە لەسەر بانگەوازی ئەنجومەنی ژنانی سێڤێ و لە گۆڕەپانی نایتۆرڤە ئەنجامدرا.

لە چالاکیەکەدا ئاماژە بەوە کرا کە دەوڵەتی تورک یاسا نێونەتەوەییەکان پێشێل دەکات و پێشتریش لە عەفرین و سەرێکانی هەمان کردەوەی ئەنجامدابوو و ئەمڕۆش لە حەفتانین ئەنجامی دەدات.

هەروەها داوا لە گەل و حکومەتی دانیمارک و کۆمەڵگای نێودەوڵەتی کرا کە نارەزایی بەرانبەر داگیرکردن و کۆمەڵکوژی پیشان بدەن.

چالاکی بە دروشمی بژی بەرخۆدانی حەفتانین کۆتایی هات.

ڕەناس

لە شاری رەناسی فەڕەنسا کوردستانیان و دۆستەکانیان گۆشەگیری سەر ڕێبەری گەلی کوردیان شەرمەزار کرد. هەروەها هێرشی داگیرکەری سەر کوردستان و کۆمەڵکوژیەکانیش ڕوسوا کران.

چالاکوانان کاتژمێر ١٦:٠٠ لە گۆڕەپانی کۆلۆمبێر کۆبوونەوە و بە دروشمی ' بژی سەرۆک ئاپۆ، بێ سەرۆک ژیان نابێت، ژن ژیان ئازادی، بمرێ دیکتاتۆر ئەردۆگان و بە بڵاوکردنەوەی بڵاوکراوە بە فەڕەنسی بەردەوامیان بە چالاکیدا.

دوای ڕێپێوانەکە لە گۆڕەپانی ڕیپۆپلیکۆ میتینگێک ئەنجامدرا و چالاکیەکە کۆتایی هات.

ف.ق