لەسەر داواى بزووتنەوەى گەنجانی شۆڕشگێڕ و ژنانی گەنجی تێکۆشەر، گەنجانی کورد و ئینتەرناسیۆنالیستەکان دوێنێ هەینی لە کاتژمێر ٢٣:٠٠ دا لە کلاراپلاتزی باسل کۆبوونەوە و رێپێوانیان ئەنجامدا.

لە رێپێوانەکەدا هێرشە داگیرکەری و قڕکەرەکانی دەوڵەتى تورک بۆ سەر کوردستان ئیدانە کرا و بۆ عەبدوڵا ئۆجالان رێبەری گەلی کورد داوای ئازادی کرا.

لە چوارچێوەى هەڵمەتی 'پێکەوە راپەڕین' کە رێکخراوەکانی گەنجان ماوەیەک لەوە پێش رایانگەیاندبوو، ئاڵایەکی گەورەی بزووتنەوەى گەنجانی شۆڕشگێڕ و پۆستەرێکى "ئانتیفای ئینتەرناسیۆناڵ" هەڵکران.

هەروەها لە چالاکییەکەدا پۆستەرێکى گەورە بە ناوی 'پێکەوە راپەڕین' هەڵدرابوو.

لە دژی فاشیزمی تورک داوای تێکۆشانی هاوبەش کرا.

لە رێپێوانەکەدا پشتیوانی لە بەرخودانی جەنگی حەفتانین و شۆڕشی رۆژئاوا کرا.

گەنجان فیشەکە شێتەیان تەقاند و دوکەڵی رەنگاورەنگیان دروستکرد و گەنجانی ناوچەى چالاکییەکەش پشتیوانیان لە چالاکییەکە کرد.

کۆمیتەى رۆژئاوای باسل، رەژەبە و ئانتیفا پشتیوانیان لە چالاکییە کرد و بە زیاتر لە ١٠٠ چالاکوان لە رێپێوانەکەدا ئامادە بوون و چالاکییەکە ماوەى کاتژمێرێکى خایاند.

ژ.ت