بەمەبەستی دیدارلەگەڵ رێبەر ئاپۆ داواکاری پێشکەش کرا
پارێزەرانی نوسینگەی یاساییی سەدە بۆ ئەوەی بتوانن رێبەر ئاپۆ ببینن، سەردانی داواکاری گشتیی و بەڕێوەبەرایەتی زیندانی ئیمراڵییان کرد.
پارێزەرانی رێبەر ئاپۆ بۆ ئەوەی بتوانن موەکیلەکەیان ببینن، جارێکی دیکە داواکارییان بەرزکردەوە. داواکارییەکە لەلایەن پارێزەرانی نوسینگەی یاسایی سەدە رەزان ساریجا، رازیە ئۆزتورک، مەزڵوم دینچ و فایەق ئۆزگور ئەرۆڵ خرایەڕوو.
پارێزەران سەردانی داواکاری گشتیی کۆماریی لە بورسا و بەڕێوەبەرایەتی زیندانی ئیمراڵییان کرد و هاوکات بۆ بینینی موەکیلەکانی دیکەیان لە ئیمراڵی؛ حامیلی یەڵدرم، عومەر خەیری کۆنار و وەیسی ئاکتاشیش هەمان داواکارییان بەرزکردەوە.
