لە شاری بۆردیو لە فەرەنسا بۆ ناڕەزایی دەربڕین بەرامبەر بە کۆمەڵکوژییەکانی پاریس، چالاکییەکی جەماوەری رێکخرا. زیاتر لە هەزار کەس لە مەیدانی پڵاس دی بۆرس کۆبوونەوە و بە وتنەوەی دروشم بەرەو ئەو ناوچەیەک، کە بینای دادگا و شارەوانی بۆردۆی لێیە، بە ڕێککەوتن.   

 جەماوەر ژمارەیک پۆستەریان بەرزکردبووە، کە لەسەریان نووسرابوو "نە لەبیری دەکەن و نە لێی دەبوورن"، "فەڕەنسا تاوانبارە تا دادپەروەری بەدی نەهێنێت" و "با نهێنییەکانی دەوڵەت بۆ دادپەروەری ئاشکرا بکرێت" و هەروەها وێنەکانی ساکینە جانسز، فیدان دۆغان، لەیلا شایلەمەز، ئەڤین گۆێی، میر پەروەر و عەبدوڕەحمان کزل بەرزکرابوونەوە و دروشمەکانی "بژی سەرۆک ئاپۆ"، "سارا، روژبین، رۆناهی، ژن، ژیان، ئازادی"،  "بژی بەرخۆدانی گەریلا"، "شەهید نامرن" و "تیرۆریست ئەردۆغان" دەوترانەوە.

لە دوای گەیشتن بە گۆڕەپانی گردبونەوەکە بەیاننامەیەک بە زمانی فەرەنسی خوێندرایەوە و بەسەر هاووڵاتییان و چالاکوانانیشدا دابەشکرا. دۆستە فەرەنسییەکانی کورد، سەندیکاکان و لایەنە سیاسییەکانیش بەشدارییان لە چالاکییەکە دا کرد. چالاکییەکە لەبەردەم بینای شارەوانی بوو بە گردبونەوە و وەک گردبوونەوە بەردەوامیی پێدرا.

گردبوونەوەکە بە ڕێزگرتن لە یادی شەهیدانی پاریس دەستیپێکرد، بە وتەکانی لا فرانس ئینسۆمیس، ئەنسەمبڵی، ئێن پی ئەی، شۆڕشی هەمیشەیی، هاوپشتیی ٣٣ و نوێنەران کۆتایی پێھات.

ژ.ت