خانەوادەی زیندانیانی گرتووخانەی ئەسپیەی گرێسون باسی ئەوەیان کرد کە بەڕێوەبەری گرتووخانەکە هێرشیان کردووەتە سەر زیندانینان. بەگوێرەی قسەکانی خانەوادەکان، زیندانیان مانگێکە بە نۆرە دەست بە چالاکی مانگرتن لە خواردن دەکەن و هەموو رۆژێک رووبەرووی توندوتیژی دەروونی دەبنەوە.

راگەیەندرا کە بەڕێوەبەری گرتووخانەکە ئۆرهان ئاکپنار و بەرپرسی پاسەوانەکان بە ناوی هاکان و زۆر پاسەوانی دیکە، پێکەوە هەڵیان کوتاوەتە سەر ژووری زیندانیانی سیاسی و دوو زیندانی سیاسیان بە ناوەکانی ئیسماعیل تایلان و عیسا ئاسلان ئەشکەنجە داوە.

زیندانیان باسی ئەوەشیان کرد، ئەوان لە خەمی هاوڕێکانیاندان، بەڵام نازانرێت بۆ کوێ براون و بەڕێوەبەری گرتووخانەکە وتوویەتی، " کاتی لە سێدارەدانتان هاتووە."

زیندانیان داوایان لە رێکخراوەکانی مافەکانی مرۆڤ  و کۆمەلایەتی کرد کە لە بەرامبەر ئەم پێشێلکاریانە بێدەنگ نەبن.

ف.ق