ئیبراهیم بیلمەز، نەورۆز ئویساڵ، مەزڵوم دینچ و جەنگیز یورەکلی کە لە پارێزەرانی نوسینگەی یاسایی سەدەن، بەمەبەستی دیدار لەگەڵ رێبەری گەلی کورد عەبدوڵا ئۆجالان سەردانی داواکاری گشتیی کۆماری بورسا و بەڕێوەبەرایەتی دەزگای جێبەجێکردنی سزا لە ئیمڕاڵییان کرد.

١٩ مانگە زانیاری لەبارەی رێبەری گەلی کورد عەبدوڵا ئۆجالان بەدەست ناخرێت. پارێزەران هەفتانە دووجار بە مەبەستی دیدار لەگەڵ رێبەری گەلی کورد عەبدوڵا ئۆجالان داواکاری پێشکەش دەکەن. بەڵام بەشێوەیەکی سیستماتیک وەڵامی سەردان و داواکارییەکان نادرێتەوە. لەهەندێک حاڵەتدا دوای چەند مانگێک بە پارێزەران دەوترێت کە سزای دیسپلین بەسەر رێبەری گەلی کورد عەبدوڵا ئۆجالاندا سەپێندراوە.

دوایین جار لە ١٣ی نیساندا دیدار لە عەبدوڵا ئۆجالان قەدەغەکرابوو و لە ١٨ی تشرینی یەکەمدا دوای ئەوەی قەدەغەکە کۆتاییهاتبوو، باس لەوەکرابوو کە ماوەی قەدەغەکە شەش مانگی تر درێژ کراوەتەوە.

هـ . ب