یادی قوربانیانی کۆمەڵکوژی مانگی کانونی یەکەم لە تۆرۆنتۆ کرایەوە
لە تۆرۆنتۆ یادی ئەو کەسانە کرایەوە کە لە کۆمەڵکوژی رۆبۆسکی و مەرەش و ١٩ی کانونی یەکەم گیانیان لەدەستداوە.
بەبۆنەی کۆمەڵکوژی رۆبۆسکی، مەڕەش و ١٩ی کانونی یەکەم، لە شاری تۆرۆنتۆی کەنەدا رێورەسمێکی یادکردنەوە ئەنجامدرا.
لەسەر بانگەوازی ئەنجومەنی گەلی دیموکراتی تۆرۆنتۆ. کوردستانیان لە ناوەندی کۆمەڵگەی کوردی کەنەدا کۆبونەوە و یادی کۆمەڵکوژی رۆبۆسکی، مەڕەش و ١٩ی کانونی یەکەم کرایەوە.
لەسەر ناوی ئەنجومەنی گەلی کوردی دیموکراتی تۆرۆنتۆ بڵاوکراوەیەک خوێندرایەوە و تێیدا ئاماژە بەوەکرا کە ئەو زیندانیانی لە بەرخۆدانی دژی فاشیزم شەهید بوو، گەورەترین و هێژاترین ڕۆڵەی گەلەکەمانن. یادی ئەو کەسانە دەکەینەوە کە لە مەرەش و رۆبۆسکی شەهیدکران. دەوڵەتی تورک هەمان کۆمەڵکوژی ئەمڕۆش لەسەر کورد پەیڕەو دەکات.
لە چالاکیەکەدا کۆمەڵکوژیەکان شەرمەزارکران و بانگەوازی لە گەلی کورد کرا کە لە بەرامبەر کۆمەڵکوژی، تواندنەوە و قڕکردن بێدەنگ نەبن.
لە رێورەسمەکەدا بەڵگەفیلمێک لەبارەی کۆمەڵکوژیەکەی مەرەش و رۆبۆسکی پیشاندرا. هەروەها بە هونراوە یادی قوربانیان کرایەوە.
رێورەسمەکە بە دروشمی 'شەهید نامرن' کۆتایی هات.
ف.ق
