جەنی یۊبییەی هێزە دیموکراتەکا جە بەریتانیا، پەشتیوانیی ژناو لەندەنی، ئەنجوومەنەکاو گەلوو کورڎی سەدان کەسێ وەرڎەموو کتێبخانەو "وود گرین"ینە کوێ بیێوە و کۊکوشییەکەو ٩ کانوونوو دووەموو ٢٠١٣ و ٢٣ی کانوونوو یووەموو ٢٠٢٢ی پاریس-یشا ئیڎانە کەرد و یاڎوو ئا کەساشا بەرز گێرت، کە چا کۊکوشییەنە گەشمەرڎۍ بیۍ.
 

جەماوەر پۊستەروو ئا کورڎاشا بەزر کەردۊ، کە پاریسنە تیرۊرۍ کریێبێنۍ و سەرشۊ نویسیابۍ، "بە شۊڕشوو ژەنا تۊڵەو وێما کەرمێوە" و درووشمەکاو "ژەنی، ژیوای، ئازاڎی"، "گەشمەرڎۍ مەمرا"، "تورکیا تیرۊریستا"، "با فاشیزم مرۊ"، "واچدۍ نا پەی هجوومەکاو سەروو کورڎستانی"، "سارا، ڕۊژبینە، ڕۊناهی" و "بژیۊ سەرۊک ئاپۊ" بەرزۍ کریێوە.

وەڵۍ ڕاپیماکەینە دەیەقۍ ڕێزگێرتەی جە کەسایەتییا گەشمەرڎاو پاریسی و ئەحمەد شۊڕش (زەکی گوربوز) و فرات نەڤاڵ (ئۊزگور نامۊگلو)، کە جە وەرنیشتنە گەشمەرڎۍ بیۍ، پەی گرڎوو گەشمەرڎا شۊڕشی لوا ڕاوە.

چێگەنە بە نامۍ دەگەبە، ئەنجوومەنوو گەلوو کورڎی، پەشتیوانیی ژناو و گرووپە ئینتەرناسیۊنالیستەکاوە واچە پێشکەش کریا. جە واچەکانە کۊکوشییەکاو پاریسی ئیڎانە کریۍ و کارڎایۊکەی جە دژوو ئانەی نیشانە دریا، کە فەڕەنسا ڕاسییەکا چێروو نامۍ "نهێنیی دەوڵەتی"ینە شارۊوە.

ئانیچشا ئەرەیاونا، هەردووی کۊکوشییەکێ جە لاو دەوڵەتوو تورکیوە کریێنۍ و تا پەرسایۊ جە دووە کۊکوشییەکەی، کە بکەرەکێش دیارێ نیەنۍ، کۊشیای ئێمە مەرمرڎۊ.

حەر پاسە واتیچشا: پێویسا دەوڵەت هەڵوێس وەراوەروو فاشیزموو تورکی نیشانە بڎۊ، کە دژمنوو ئاشتییین وەرکەوتی دلێڕاسیننە. حەر پاسە مشۊم فەڕەنسا هەڵوێسوو وێش جە دژوو سیاسەتە دڕنڎانەکاو دەوڵەتوو تورکی نیشانە بڎۊ، تا وێش چی شەرمی ڕزگار کەرۊ.

ئانەیچشا وات، ئێمە بە شۊڕشوو ژنا  جا کۊکوشییا پەرسمێوە.