لە شاری بێرنی پایتەختی سویسرا و لە شارەکانی زوریخ، بیل، باسل، لۆزان و چەند شارێکى تری سویسرا و چەندین ناوچەى تری ئەو وڵاتە ژنان بە دروشمی "ئەگەر ژن بیەوێت هەموو شتێک رادەوەستێت" رژانە سەر شەقامەکان تاوەکو پێداگری لە مافی یەکسان بکەن.

رێکخراوەکانى ژنان لە سویسرا، رێکخراەکانى کۆمەڵی مەدەنی و رێکخراوەکانى ژنانی کۆچبەر بەشداری چالاکییەکان بوون.

ژنانی کوردیش بەشداری چالاکییەکان بوون و دروشمی "ژن، ژیان، ئازادی"یان وتەوە.

لە چالاکییەکاندا وێنەى ئەو ژنانە بەرزکرابوونەوە کە بەهۆی عەقڵییەتى پیاوی باڵادەستەوە گیانیان لە دەستدابوو.

چالاکییەکەکان بە پێشکەشکردنی وتەى نوێنەرانی رێکخراوەکانى ژنانی کۆتاییان پێهات.
ژ.ت