عه‌بادی بۆ تورکیا: هیچ وڵاتێك له كاریگه‌رییه‌كانی پێشێلكردنی سه‌روه‌ری عێراق ده‌ربازی نابێت
حەیدەر عەبادی سەرۆک وەزیرانی پێشووی عێراق دەلێت ئەو هێرشەی دەوڵەتی تورک پێشەڵکردنی سەروەری عێراقە و لەم بارەیەوە هۆشداریدا بە دەوڵەتی تورک.
دوێنێ چوارشەممە ئیئتلافی نه‌سر به سه‌رۆكایه‌تی سەرۆک وەزیرانی پێشووی عێراق حه‌یده‌ر عه‌بادی ئیدانه‌ی هێرشه‌كانی توركیای بۆسه‌ر خاكی هه‌رێمی كوردستان كرد و ئیتئلافه‌كه هێرشه‌كه‌ی تورکیای به پێشێلكردنی سه‌روه‌ریی خاكی عیراق له‌قه‌ڵه‌مداوه.
نوسینگه‌ی راگه‌یاندنی ئیئتلافی نه‌سر له به‌یاننامه‌یه‌كدا رایگه‌یاند: "پێشێلكردنه به‌رده‌وامه‌كانی تورکیا بۆ سەر سه‌روه‌ریی عیراق ئیدانه ده‌كه‌ین و هه‌موو به‌رپرسیارێتیه‌ك ده‌كه‌وێته ئه‌ستۆی وڵاتانی دراوسێ."
ئیئتلافی ناوبراو داواشی له حكومه‌تی عیراق كردوه ده‌سه‌ڵاته‌كانی خۆی بۆ پاراستنی سه‌روه‌ری و كه‌رامه‌تی عیراق به‌كاربهێنێت.
ئیئتلافی نه‌سر جه‌ختیشی كردوه‌ته‌وه كه ئه‌و جۆره پێشێلكارییانه گرژی و ناسه‌قامگیری له‌ناوچه‌كه‌دا زیاد ده‌كات و ده‌ڵێت: "هیچ وڵاتێك له كاریگه‌رییه نه‌رێنییه‌كانی ئه‌م پێشیِلكارییانه ده‌ربازی نابێت و ئه‌و ره‌فتارانه كار له ئاسایش و سه‌روه‌ریی خۆشیانده‌كات."
ز.ش
