فیلمی 'نامەکان لە شەنگالەوە'، کە لە لایەن کۆمپانیای نوژیانەوە بەرهەم هێنراوە و لەلایەن دێرسیم زێرەڤانەوە کاری دەرهێنانی بۆ کراوە، لە ئەنجومەنی گەلی خانەسوور بە ئامادەبوونی ئەندامانی دامودەزگاکان و ئەنجومەنی گەلی شەنگال نمایش کرا.

ئامادەکارییەکای فیلمەکە لە ساڵی ٢٠١٨دا دەستیپێکرد. فیلمەکە هەم دراماتیکیە و هەم بەڵگەنامەییە. لە فیلمەکەدا ئێش و ئازارەکانی شەنگال، ئازایەتی شەڕڤانانی ئازادی و ئەو دایکانەی پڕاوپڕن لە هیوای سەرکەوتن، نیشان دەدرێت. فیلمەکە لە شەش بەش پێکدێت و لە هەر بەشێکدا نامەیەک نیشان دەدرێت.

لای خۆیەوە فلوز شەنگالی، ئەندامی بزووتنەوەی ئازادی ژنانی ئێزدی (تاژێ)، لەبارەی فیلمەکەوە وتی: سەرەتا دەستخۆشی لە سەرجەم ئەو ستافە دەکەم کە ڕۆڵیان لە دروستکردنی فیلمەکەدا هەبووە. بەڕاستی ھەموو ئەو ڕۆژانەمان بەبیر ھاتەوە، فیلمەکە زۆر بە باشی دروستکراوە. هەموومان بەو ئازارانەوە ژیاوین، بەڵام دایکان و ژنانی بەوشێوەیە چالاکیشمان ھەبوون. من بۆخۆم بە چاوی خۆم ئەو بوێری و ئازایەتییەم بینیوە. ھەرچەندە فەرمانێکی دژوار بوو، بەڵام بڕوای کۆمەڵگاکەمان بەھێز بوو. بە تایبەتی کاتێک گەریلاکانی هەپەگە و یەژاستار بەھانامانەوە ھاتن تێگەیشتین ھەرگیز لەناو ناچین.

وتیشی: بەهۆی ئەوەی بوونە پشتیوانمان سڵاوی خۆمان ئاراستەی سەرجەم گەریلاکانی سەر چیا دەکەین و وەک ژنانی ئێزدی تێکۆشانی ئەوان بە پیرۆز دەبینین، چونکە ئەم تێکۆشانە دەبێتە بەڵگەیەک بۆ مێژوو.

ژ.ن