ئەگەر لەئێستاوە لە دژی ئەو هێرش و خیانەتانە هەڵوێستی بەهێز نەیاتەئاراوە، دەستکەوتەکانی کوردان لە باشوری کوردستان، ئەوانەی دوای ئەو هەموو تێکۆشان، ئازار و مەینتیەی کیمیاباران و ئەنفال، کە رژێمی بەعش بەسەر کوردیدا هێناوە، بەدەستهێنراون، هەمووی لەدەست دەچن.
دەوڵەتی تورکی داگیرکەر بە تایبەتی ماوەی ٨ ساڵە بە هەموو هێز و تەکنەلۆژیای خۆیەوە هێرش دەکاتە سەر گەریلاکانی ئازادیی کوردستان تائێستا بەهۆی گەریلاکانی ئازادیی سەردەمی مۆدێرنیتەی دیموکراتیک نەیتوانیوە ئەو سەرکەوتنەی دەیەوێت بەدەستیبهێنێت. ئەمساڵ هەوڵ دەدات لە رێگەی هێزە خایین و نۆکەرەکانی وەک پەدەکە، هەروەها دەوڵەتانی هەرێمی و پشتگیری ناتۆ ئەو هێرشە قڕکاری و داگیرکەرییە بەڕێوەببات و بگاتە ئامانج.
لە هاتنەکایەی دۆخی مەترسیداری ئەمدواییەدا لە باشوری کوردستان کە لە سەر بنەمای قۆناغێکی نوێی پلانی قڕکردنی کوردان –کوردانی ئازاد- بەڕێوەدەبرێت، بە دڵنیاییەوە خائین و خۆفرۆشان گەورەترین رۆڵیان لە ئەستۆیە. دەزانرێت کە دەوڵەتی تورکی داگیرکەر لەسەر بنەمای "لەناوبردن و قڕکردنی کوردان" دامەزراوە، بەردەوام لە چوارچێوەی پلانەکانی هێزە هەژمونگەرا نێونەتەوەییەکان (وەڵاتانی ناتۆ) تائاستێک جێبەجێکراوە و بەم جۆرەش هەوڵ دەدرێت کە رێگە لەبەردەم ئەوە بگیرێت کە کورد ببێتە خاوەن ئیرادە و کورد نەبنە خاوەن ستاتۆ.
لەمرۆدا کە هێرشە داگیرکەرییەکان و لکاندن کەوتووەتەبەرباس، مەترسییەکی گەورە لەسەر ئایندەی گەلی کورد بە تایبەتی باشوری کوردستان دروست بووە؛ خاڵی سەرەکی لێرەدا بەشداربوونی کارای پەدەکە و چەتەکانی سەر بەوە لە ناو هێرشەکەدا. دەوڵەتی تورکی داگیرکەر کە بەتەواوەتی پەدەکەی خستووەتە ژێر کۆنترۆڵەوە، ئەمڕۆ داوای ناسنامە لە هاووڵاتیانی باشور دەکات و بە دەربرینێکی دیکە وەک ئەوەی ئەم خاک و گەلە لە ژێر باڵادەستی ئەودان مامەڵە دەکات. بێگومان ئەوەی رێگەی لەبەردەم ئەمە کردووەتەوە نەک بیانووی پەکەکە، بەڵکوو خیانەت و بێ مێشکی پەدەکە-بنەماڵەی بارزانیە- کە بۆ بەرژەوەندی بنەماڵەیی و ئاسایی یاری بە چارەنوسی گەل دەکات.
خاڵێکی دیکە کە پەدەکە بە هەماهەنگی دەوڵەتی تورکی قڕکەر-هێزەکانی هەژمونگەرای جیهانی، بە زۆرەملێ لە رێگەی پارە-موچە، ئیرادەی گەل سەرکوت دەکات و بەم جۆرە چی دەوێت دەیکات. ئەندامی کۆمیتەی بەڕێوەبەری پەکەکە موراد قەرەیلان کە بەر لەئێستا لە دیدارێکدا وتبووی "پەدەکە تائێستا راستی مێژوویی دەوڵەتی تورک نازانێت" بە هەندێک نمونە ئەوەی خستبووەڕوو کە ئەگەر پلانەکانی دەوڵەتی تورکی داگیرکەر بگاتە ئەنجام، ئەمجارە نۆرەی خودی پەدەکە دێت. جگە لە بێکەرامەتی و خیانەت کە بنەماڵەی بارزانی وەک ڤایرۆسێک بەردەوام کۆمەڵگەی کوردی نەخۆش کردووە، هەموو کات بووەتە مایەی شکانی هیوا و تێکۆشانی ئازادی گەلی کورد. خۆی لەخۆیدا زۆر بەڵگە (بەهۆی ئەوەی دەزانرێت پێویست ناکات لێرە ئاماژەیان پێبدرێتەوە) دەریدەخەن کە پەدەکە- بنەماڵەی بارزانی وەک پرۆژەیەک لە کورستان سازکراوە و پەرەیپێدراوە. لەبەر ئەوەی پێناسەی ئەوەی پەدەکە هێزێکی کوردییە گونجاو نییە.
ئەمرۆ لەسەر بنەمای فەرمانەکانی دەوڵەتی تورک-میت، پەدەکە وەک نۆکەر و غوڵامێکی بەردەرگا ئێشکگرییان بۆ دەگرێت و دەچێتە بەردەمیان. سەردانی بارزانییەکان بۆ بەغدا، تاران و چەند وڵاتێکی دیکە لەماوەکانی رابردوودا، بێگومان لەسەر داواکاری دەوڵەتی تورکیایە.
دەوڵەتی تورکی داگیرکەر کە بەتەنیا خۆیان دەرەقەتی گەریلاکانی ئازادی کوردستان نایات و ناتوانێت بەرامبەریان شەڕ بکات؛ هەوڵ دەدات کە ئەو هێزە چەتە و خائینانەی وەک پەدەکە بەکاربهێنێت و بەم جۆرە بگاتە ئەنجام. دۆخی ئێستای هەرێمەکە بە هەموو لایەنەکانیەوە ئەم راستیە پشتڕاست دەکاتەوە. دواخستنی هەڵبژاردنەکان، نەدانی مووچەی گەل، سەرکوت، گرتن و گوشتن و رفاندن هاووڵاتیانی کورد کە رۆژانە لەلایەن چەکدارانی پەدەکەوە ئەنجام دەدرێن، هەمووی بەشێکن لەم راستیە.
ئەوەی لێرەدا مەترسیدارە، ئەوەیە کە وەک دەخوازرێت هەڵوێستێکی بەرفراوان و کاریگەر لە دژی هێرشە داگیرکەرییەکان و خیانەتی پەدەکە لەلایەن گەلەوە نایاتە ئارا؛ پێشەنگەکانی یاخود لایەنە رۆشنبیریەکان، نوسەران، گەنجان، ژنان و وڵاتپارێزان و پێشمەرگە دێرینەکان و هتد.. رۆڵی سەرەکی خۆیان ناگێڕن و گەل ناخەنە جموجۆڵەوە. ئەگەر لەئێستاوە لە دژی ئەو هێرش و خیانەتە هەڵوێستێکی خێرا و دەمودەست نەیاتە ئاراوە، دەستکەوتەکانی کوردان لە باشوری کوردستان، کە دوای ئەو هەمووە تێکۆشان، ئازار و مەینەتیەی کیمیاباران، ئەنفال و هتد، کە رژێمی بەعس بەسەر کوردانی بەرێوەبردووە، بەدەتسهێنراون، هەمووی لەدەست دەچن. دۆخێکی مەترسیداری بەم جۆرە هەیە.
هـ. ب
