لە راگەیەندراوێکی هاوبەشدا لە دژی داگیرکارییەکانی دەوڵەتی داگیرکەری تورک لەسەر خاکی باشووری کوردستان؛ ژمارەیەك شێخی هۆزەكانی عێراق هێرشەكانی دەوڵەتی توركی داگیرکەر بۆ سەر خاكی هەرێمی كوردستانیان  ئیدانە كرد و رایانگەیاند: دەوڵەتی تورك هەرێمی كوردستان داگیردەكات و پشتیوانی لە داعش دەكات، هاوكات ستایشی پەکەکەیان كرد و جەختیان كردەوە كە دژی چەتەکان داعش وەستاوەتەوە.

هەر لە ڕاگەیاندراوەکەدا باس لە ئامانجی سوپای داگیرکەری تورک دەکات و ئەوەهاتووە: "دەوڵەتی داگیركەری تورك بەردەوامە لە هێرشە سیستماتیكییەكانی بۆ سەر خەڵك لە هەرێمی كوردستانی عێراق، بە ئامانجی چۆڵكردنی گوند و شارەكان و سووتاندنیان، هەروەها هەڕەشە لە دانیشتووانی گوندەكان دەكات، بۆ ئەوەی ماڵ و حاڵی خۆیان بەجێبهێڵن و ناوچەكە بكەنە ناوچەیەكی سەربازیی بە بیانووی ناڕەوا."

'پەکەکە شەڕی داعش و تیرۆری کرد'

لە درێژەی ڕاگەیاندراوەکەدا هۆزەکانی عێراق ستایشی تێکۆشانی پەکەکە دەکەن لە جەنگی دژ بە داعش و باسیان لەوەکردووە: "ئێمە زۆر باش دەزانین پەکەکە شەڕی تیرۆر و داعشیان دەكرد، بەڵام توركیا پاڵپشتیی داعشی دەكرد، هەموو ئەو كارانەی دەوڵەتی داگیركەری تورك دەیكات تەنیا بە ئامانجی هێرشكردنە سەر گەلانی عێراق بە گشتیی و كوردە بەتایبەتی، بە ئامانجی داگیركردنی ناوچانەكانی هەرێم."

لە ڕاگەیاندراوەکەدا ئەوە خراوەتەڕوو کە دەوڵەتی تورکی داگیرکەر تاوانی جەنگ بەرامبەر خەڵک و ژینگە ئەنجام دەدات و راشیانگەیاندووە: "ئەم هێرشانە زیاد دەبن بۆ ئاستی تاوانی جەنگ كە مرۆڤایەتی و سرووشت تێكدەدەن، هەموو ئەم تاوانە دڕندانەش بوونەتە هۆی وێرانكارییەكی گەورەی ژینگە و جوگرافیای هەرێمی كوردستانی عێراق، لە بەرامبەریشدا پەدەكە هاوبەشە و حكومەتی بەغداش بێ دەنگە، بێدەنگییەكی گوماناوی سەبارەت بە تاوانەكانی دەوڵەتی داگیركەری تورك درووست دەكات. پێویستە كۆمەڵگەی نێودەوڵەتی و حكومەتی بەغدا ڕێوشوێنی پێویست بگرنەبەر و ڕێگریی لەم هێرشە بەربەرییە بۆ سەر خاك و گەلەكەمان بگرن، ئێمەش ئامادەین بەرگریی لە سەروەری عێراق بكەین، بەپێچەوانەی ئەوەی دەوڵەتی داگیركەری تورك بیری لێدەكاتەوە، سەبارەت بە گۆڕانی دیمۆگرافی و تاڵانكردنی سامانی عێراق."

لە کۆتایی ڕاگەیاندراوەکەدا ئەو هۆزانە وێڕای شەرمەزاکردنی هێرشەکان، هاوسۆزی خۆیان بۆ گەلی باشووری کوردستان دەربڕن و بانگەوازی هەڵوێست وەرگرتن دەکەن و دەڵێت: "ئێمە لە شێخ و عەشیرەت و كەسایەتییەكانی عێراق، ئەم هێرشە سیستماتیكیانە ڕەتدەكەینەوە، بانگەوازیش لە كۆمەڵگەی نێودەوڵەتی و حكومەتی بەغدا و پەرلەمانی عێراق دەكەین، كە بەرپرسیارێتی مرۆیی و ئەخلاقی و یاسایی خۆیان سەبارەت بە ئەم تاوانە نامرۆڤانە و كۆتاییهێنان بەم هێرشە بەردەوامانەی دەوڵەتی داگیركەری تورك لە ئەستۆ بگرن.."

ناوی ئەو شێخانەی لە دژی داگیرکارییەکانی دەوڵەتی تورک وەستاونەتەوە بەمشێوەیەیە:

• شێخ تەکلیف ئال عەبدعەلی جبوور، شێخی گشتیی عەشیرەتی جبوور.
• سەید ئەحمەد عەلەوی حەیدەری، شێخی گشتی ساداتی حەیدەری.
• سەید نازم شەریفی، شێخی ساداتی شرفە لە فوراتی ناوەڕاست.
• شێخ مالک جاسم عیفاری، شێخی عیفار لە فوراتی ناوەڕاست.
• سەید خەزعەلی عەتییە موسەویی لە دیوانییە.
• شێخ زەهیر کازم مەرهوون، شێخی گشتی کەریت.
• شێخ جەمال فەرید حەمیداوی، شێخی گشتی حەمیدات.
• شێخ ئەمیر موسەنا حسناوی، شێخی گشتی بەنی حەسەن.
• شێخ موحان میریی ئال عەتییە، شێخی گشتی ئال شبل.
• سەید حسێن بەرەکات شامی، شێخی گشتی ساداتی غەوالب.
• شێخ متعب محەممەد شەمەری، شێخی عەشایەرەکانی شەمەر لە فوراتی ناوەڕاست.
• شێخ محەممەد عەبدولئەمیر شەعلان کەرعاوی، شێخی گشتی عەشایەرەکانی ئەکرەع.
• شێخ ڕەعد حسێن خەفاجی، شێخی خەفاجییەکان لە نەجەف.
• شێخ خالد جاهل ناتوور، شێخی بنەماڵەی شەبەل لە دیوانییە
  سەید حەمید مەرزوک عەبادی، شێخی گشتی عەوابد.