ناوەندی راگەیاندنی یەکینەکانی پاراستنی گەل (یەپەگە) سەبارەت بەو بابەتە لەسەر ماڵپەڕی فەرمی خۆی راگەیەندراوێکی بڵاوکردەوە.

لە راگەیەندراوەکەدا هاتووە، "هێرشەکانی دەوڵەتی تورکی داگرکەر و کۆلۆنیالیست بۆ سەر باکوور و رۆژهەڵاتی سوریا هەموو رۆژێک بەردەوامن. گوند و شارەکانمان بە شێوەی هەڕەمەکی تۆپباران دەکرێن و هەوڵ دەدەن ئارامی ناوچەکە بشێوێنن. لەبەر ئەوەی هێزە نێونەتەوەییەکان لە بەرامبەر ئەو هێرشانە بێدەنگن، دەوڵەتی تورکی داگیرکەر ئەو بێدەنگییە دەقۆزێتەوە و هێرشەکانی زیاد کردووە. لە ساڵیادی کۆمەڵکوژی شەنگالدا لە ٣ی ئاب لە گوندی هرمێشێخۆی سەر بە کانتۆنی قامیشلۆ، ئۆتۆمبێلێک کرایە ئامنج. لە ئۆتۆمبێلەکەدا ٤ فەرماندە و ٢ شەڕڤانمان کە لە مۆڵەتدابوون کرانە ئامانجی ئەو هێرشە ناجوامێرانەیە. هاوڕێ و فەرماندەکانمان دیار، گارزان، هیوا و ئۆرهان شەهیدبوون".

ئاماژەی بەوەشکردووە: "دەوڵەتی تورکی داگیرکەر بەو هێرشانە وەک ئەوە وایە کە دەیەوێت بڵێت تۆڵەی شکستی داعش لە شەنگال و رۆژئاوا دەکاتەوە. هەر چوار هەڤاڵەکەمان چەندین ساڵ لە دژی هێرشە داگیرکەرییەکان بە تایبەتی هێرشەکانی چەتەکانی سوپای ئازاد، ئەلنوسرە و داعش بە ئازایەتی زۆرەوە شەڕیان کرد. بەشداربوونی ئەو هاوڕێیانەمان بە تایبەتی لە شەڕەکانی نێوان ساڵانی ٢٠١٤-٢٠١٩ لە دژی داعش بێ هاوتا بوو. ئەو گیانبازی و رەنجەی ئەوان هەرگیز لەیاد ناکرێت و بەردەوام لە تێکۆشانماندا بەبیردەهێنرێتەوە. لە سەر ئەو بنەمایە سەرەخۆشی لە گەلی وڵاتپارێزی باکور و رۆژهەڵاتی سوریا بە تایبەتی بنەماڵەی ئەو شەهیدانەمان دەکەین. جارێکی دیکە بەڵێنمان دووپات دەکەینەوە کە شوێنکەوتووی خەون و ئاواتەکانیان بین و تۆڵەیان بکەینەوە و ئایندەیەکی ئازاد دەکەینە دیاری گەلانی هەرێمەکە".

ناسنامەی شەهیدان:

ناسناو: دیار شۆڕش

ناو و پاشناو: دیار خەلیل

ناوی دایک: ناریمان

ناوی باوک: جومعە

شوێن و کاتی شەهیدبوون: قامیشلۆ/ ٣ی ئابی ٢٠٢٣

ناسناو: گارزان قامیشلۆ

ناو و پاشناو: بارزان شێخموس

ناوی دایک: لەیلا

ناوی باوک: مستەفا

شوێن و کاتی شەهیدبوون: قامیشلۆ/ ٣ی ئابی ٢٠٢٣

ناسناو: هیوا قامیشلۆ

ناو و پاشناو: ئەحمەد سمۆ

ناوی دایک: گوڵێ

ناوی باوک: فازڵ

شوێن و کاتی شەهیدبوون: قامیشلۆ/ ٣ی ئابی ٢٠٢٣

ناسناو: ئۆرهان قامیشلۆ

ناو و پاشناو: ئارام ئیبراهیم

ناوی دایک: شێخە

ناوی باوک: محەمەد

شوێن و کاتی شەهیدبوون: قامیشلۆ/ ٣ی ئابی ٢٠٢٣

هـ . ب