بڵاوکردنەوەی ٧ هەزار برۆشور بۆ ئازادیی ڕێبەری گەلی کورد عەبدوڵا ئۆجالان
لە کانتۆنی شەهبا، لە چوارچێوەی داواکاریی بۆ ئازادیی جەستەیی ڕێبەری گەلی کورد عەبدوڵا ئۆجالان، حەوت هەزار برۆشور بڵاوکرایەوە.
لە کانتۆنی شەهبا، لە چوارچێوەی داواکاریی بۆ ئازادیی جەستەیی ڕێبەری گەلی کورد عەبدوڵا ئۆجالان، حەوت هەزار برۆشور بڵاوکرایەوە.
لە ٢٠ ی ئایار، کۆنگرەی ستار و بزووتنەوەی هیلالی زێڕین لە کانتۆنەکانی عەفرین و شەهبا، لەپێناو ئازادیی جەستەیی ڕێبەری گەلی کورد عەبدوڵا ئۆجالان برۆشوریان بڵاوکردەوە.
لە ماوەی چوار ڕۆژدا، هەریەک لە کۆنگرەی ستار و بزووتنەوەی هیلالی زێڕین، زیاتر لە ٧ هەزار برۆشوریان بڵاوکردەوە لە گەڕەکەکانی ئەحداس و فافین و تەل ڕەفعەت و هەردوو کەمپی سەردەم و بەرخۆدان لە کانتۆنی شەهبا و شارۆچکەی شێراوا لە عەفرینی داگیرکراو.
ئەمڕۆ، لە کۆتا ڕۆژی چالاکییەکەدا، زیاتر لە ٢٣٠٠ برۆشور بڵاوکرایەوە لە شارۆچکەی تەل ڕەفعەت لە کانتۆنی شەهبا و دامەزراوە مەدەنییەکان.
برۆشورەکان گوتەکانی ڕێبەری گەلی کورد عەبدوڵا ئۆجالان دەگرنەخۆ سەبارەت بە ئازادی و دیموکراسی و ئازادیی ژنان.
بڕیار بوو بە ڕێپێوانێکی مەزن کۆتایی بەم چالاکییە بهێنرێت، بەڵام بۆ کاتێکی تر دواخرا.
ف.ق