بۆزان جوان شەهیدی قەسەدە بە ئامادەبوونی جەماوەرێکی زۆر بەخاکسپێردرا
بۆزان جوان شەهیدی قەسەدە، لەلایەن سەدان کەسەوە لە گۆڕستانی شەهیدانی خەبات دێرک بەخاکسپێردرا.
بۆزان جوان شەهیدی قەسەدە، لەلایەن سەدان کەسەوە لە گۆڕستانی شەهیدانی خەبات دێرک بەخاکسپێردرا.
دانیشتوانی ناوچەی دیرک و گرکێ لەگێ، تەرمی جوان بۆزان شەڕڤانی قەسەدەیان بە رێورەسمێک لە گۆڕستانی شەهیدانی خەبات دێرک بەخاکسپارد. دانیشتوانی ناوچەکە، تەرمەکەیان لە نەخۆشخانەی شەهید هۆگر وەرگرت و بە کاروانێک بەرەو گۆڕستانەکە برد.
لە گۆڕستانەکە دوای خولەکێک رێزگرتن لە گیانی پاکی شەهیدان، محیەدین خێرکێ فەرماندەی لەنێو قەسەدەدا قسەی کرد و وتی، " خانەوادەی شەهید، ساتێکیش پشتیان لە بەهای شۆڕشگێری نەکردووە. شەهیدیاندا و بەشذاریان لە هەنگاوی ئازادی هەرێمەکاندا کرد."
مونیفا سلێمان لەسەر ناوی ئەنجمومەی خانەوادەی شەهیدانی گرکێ لەگێش رایگەیاند کە لە بەرانبەر هەڕەشە و هێرشی تورک، ئەوان بانگەوازی بەهێزکردنی تێکۆشان و بەردەوامیدان بە هێڵی شەهیدان دەکەن.
هەروەها فوئاد سادی ئەندامی دەستەی بەڕێوەبەری پەیەدە لە گرکێ لەگێ قسەی کرد و وتی، " بەهۆی فیداکاری گەلی باکور و رۆژهەڵاتی سوریا لە شۆڕشدا، دۆزی ئێمە گەورە بووە."
سادی داوای لە گەلانی باکور و رۆژهەڵاتی سوریا کرد کە لە بەرانبەر فاشیزمی تورک تێکۆشان فراوان بکەن.
محەمەد بۆزان، مامی شەهید جوان بۆزانیش قسەی کرد و رایگەیاند کە شەهیدبوونی جوان سەربەرزیە و بەڵێنی بەردەوامیدان بە رێگەی شەهیدانیدا.
دواتر ناسنامەی شەهید لەلایەن مەحمەد محەمەد ئەندامی ئەنجومەنی خانەوادەی شەهیدانی دێرکەوە خوێندرایەوە.
تەرمی شەهید بە دروشمەوە لە گۆڕستانی شەهید دێرک بەخاکسپێردرا.
ف.ق