ڕوانگەی سووری بۆ مافەکانی مرۆڤ لە ڕاگەیەندراوێکدا بڵاویکردەوە، ڕۆژی دووشەممە چەتەکانی داعش هێرشیان کردووەتە سەر خاڵێکی هێزەکانی دیمەشق و ئاگریان لە ئۆتۆمبێل و کەرەوانە سەربازییەکان بەرداوە.

لە بەشێکی دیکەی ڕاگەیەندراوەکەدا ھاتووە، لەئەنجامی هێرشەکە ١٠ سەرباز کوژراون، ٦ سەربازیش برینداربوون، کە دۆخی تەندروستی ھەندێکیان ناجێگیرە.

ئەو ھێرشە لەکاتێکدایە ڕۆژی یەکشەممەش، لە باکووری ڕۆژئاوای سوریا هێرشێکی دیکە کرایە سەر هێزەکانی دیمەشق و لە ئەنجامدرا ٦ سەرباز کوژران.

ناوچەکانی ڕۆژهەڵات و باشووری ڕەقە لە ژێر کۆنتڕۆڵی هێزەکانی حکومەتی دیمەشقدان، ھەروەھا زۆربەی ناوچەکانی باکووری ڕەقەش لەژێر کۆنترۆڵی ئیدارەی خۆبەڕێوەبەدایە.

شاری ڕەقە کە چەتەکانی داعش ساڵانێک وەک 'پایتەختی خەلافەت' ناساندبوویان و تێیدا تیرۆریان ئەنجام دەدا، ساڵی ٢٠١٧ لەلایەن هێزەکانی سوریای دیموکراتیک (قەسەدە)ەوە ڕزگار کرا.

ژ.ن