ناوەندی پەیوەندییەکانی ئەنجوومەنی سەربازی منبج لە بەیاننامەیەکدا ڕایگەیاند، هەوڵی چەتەکان بۆ چوونە ناو 3 گوندی کانتۆنی منبج تێکشکا.

لە ڕاگەیاندراوی ناوەندەکەد هاتووە: "چەتەکانی دەوڵەتی داگیرکەری تورک هەوڵیان دا بچنە ناو گوندەکانی ئەلجەراد، عەرەب حەسەن و محسەنلی لە باکووری ڕۆژئاوای کانتۆنی منبج."

شەڕڤانانی ئەنجوومەنی سەربازی منبج کە جموجۆڵی چەتەکانیان خستبووە بن چاودێرییەوە، ڕووبەروویان بوونەوە و شەڕێکی چڕ ڕوویدا. لە ئەنجامدا چەتەکان کوژراو و برینداریان لێکەوتەوە و تێکشکان.