ڕوانگەی سوری بۆ مافەکانی مرۆڤ بڵاویکردووەتەوە، ڕۆژی پێنجشەممە لە ناوچەی دێرەزوور، هێرش کراوەتە سەر پاسێکی سوپای حکومەتی دیمەشق. ئەوەش خراوەتەڕوو، هێرشەکە لەلایەن چەتەکانی داعشەوە ئەنجامدراوە.

ڕێکخراوەکە ئاماژەی بۆ ئەوەش کردووە، لە ئەنجامی هێرشەکەدا، لانیکەم ٢٣ سەرباز گیانیان لەدەستداوە و ١٠ سەربازیش برینداربوون، ھەروەھا دەیان سەرباز بێسەروشوێنن.

جێی باسە، لە سەرەتای مانگی ئابەوە، ئەمە سێیەم هێرشی گەورەی داعشە بۆ سەر سوپای حکومەت دیمەشق و ڕۆژی دووشەممەی ڕابردوو لە ڕەقە ۱۰ سەرباز کوژران، ڕۆژی ۱ی ئابیش، ۵ سەرباز و ۷ کەس بە دەستی داعش لە بیابانەکانی ناوەڕاستی سوریا کوژران.

ژ.ن