دەوڵەتو ئەرەگیری تورکی دار زەیتونەکا بڕۊۋە و یاگېشانە شوقۍ بنیاڎ منیۊ
دەوڵەتو ئەرەگیری تورکی، دماو بڕیەیۊ دار زەیتوونەکا، بە هامکاری گرووپە ئیخوانییەکا شوقۍ و یانۍ تازۍ پۍ ئەرەگیرا بنیاڎ منیۊ.
بەپاو سەرچەمەکا جە عەفرینی ئەرەگیرکریایۊ، تورکی ئەرەگیر بە هامکاری گرووپە ئیخوانییەکا شوقۍ و یانۍ تازۍ جە دەگاو مەتینای جە شارۊچکڵەو شەرای سەر بە کانتۆنو عەفرینی ئەرەگیرکریای بنیاڎ منیۊ، دماو ئانەی کە چنی چەتەکاش سەڎان دار زەیتوونېشا بڕیېۋە.
بەپاو سەرچەمەکا، ئا زەمینەی دەسش سەرەرە گیریان موڵکو هاموڵاتیېۋەن بەنامۍ خەلیل عەبدوڵای، کە بەزۆر ئاوارەو کانتۆنو شەهبای کریان، قەرارا ١٥٠ یانۍ سەرو ئا زەمینیۊ بنیاڎ بنیا.
حەرپاسە ئەرەنیشتەکریا بیانییەکۍ دارۍ زیاتەرۍ بڕاۋە بەمەبەسو فراوانکەرڎەی یانەکا و ورەتەو دارەکاشا.
هـ . ش
