بەگوێرەی زانیاریی سەرچاوەکانی هەرێمەکە، تەشکیلاتە هەواڵگرییەکانی تورک (میت)، لە ناوچەی ڕاجۆی عەفرین هاوڵاتییەکی بەناوی عیسمەت محەمەد لە ٥ ی ئەیلول ڕفاند، کە پێشتریش ڕفێنرابوو.

لە ٨ مانگدا لانی کەم ٢٧٠ کەس ڕفێنراون

دەوڵەتی تورک ساڵی ٢٠١٨ و دواتر لە عەفرینی داگیرکراو، ڕژێمێکی تیرۆریستی دامەزراندووە. بەگوێرەی ڕێکخراوەکانی مافی مرۆڤی عەفرین-سوریا، دەوڵەتی تورک و چەتەکا  نی لە مانگی ئابدا ٦٢ کەس دەڕفێنن کە ٦ کەسیان ژنە. یەکێک لەو ژنانە لەلایەن چەتەکانەوە دەستدرێژی کراوەتە سەر.

لە نێوان مانگی کانوونی یەکەم و تەمموزدا لانیکەم ٢٠٨ کەس ڕفێنراون. 17 هەزار دار بڕدراوە. ڕێکخراوی مافی مرۆڤ بەم جۆرە باسی لە تاوانە سیستماتیکییەکانی دەوڵەتی تورک کرد: "دەوڵەتی داگیرکەری تورک جگە لە کۆمەڵکوژی، ڕفاندن، توندوتیژی، فیدیە، دەستبەسەرداگرتنی موڵک و ماڵی گەل، فرۆشتنی کەلوپەلی دزراو و قڕکردنی سروشت، پێشێل کردنی مافەکانی مرۆڤ".

لەماوەی ٨ مانگدا دەیان مناڵ کوژراون

لە ٨ مانگی سەرەتای ئەمساڵدا، لە هەرێمی عەفرین و شەهبا، بەهۆی تەقینەوە ١٥ منداڵ گیانیان لەدەستداوە و ١٦ منداڵیش برینداربوون، ٤ منداڵیش دەستدرێژییان کراوەتە سەر، ٩ منداڵ دەستگیرکراون، منداڵێک لە ئەنجامی دەستدرێژی سێکسی و ئەشکەنجە گیانی لەدەستداوە، ٨ منداڵ ڕفێنران، ٦ منداڵ لە ئەنجامی هێرشەکاندا کوژراون.