گەلی عامودا یادی ٢٥ شەهیدیان بەرزڕاگرت
مەجلیسی بنەماڵەی شەهیدان و گەلی شارۆچکەی عامودا یادی ٢٥ شەهیدیان بەرزڕاگرت کە لە ساڵ و شوێنی جیاواز شەهیدبوون.
مەجلیسی بنەماڵەی شەهیدان و گەلی شارۆچکەی عامودا یادی ٢٥ شەهیدیان بەرزڕاگرت کە لە ساڵ و شوێنی جیاواز شەهیدبوون.
مەجلیسی بنەماڵەی شەهیدان لە شارۆچکەی عامودا مەراسیمێکیان ڕێکخست لە گۆڕستانی شەهید ئیسماعیل، بۆ یادکردنەوەی شەهیدانی هەپەگە و یەپەگە و یەپەژە و هێزەکانی ئاسایشی ناوخۆ کە لە مانگی ئایاردا لە شوێن و ساڵی جیاواز شەهیدبوون.
لە مەراسیمەکەدا کەسوکاری شەهیدان و گەلی شارۆچکەکە و دەوروبەری، ئەندامانی دامەزراوەکانی کۆمەڵگەی مەدەنی و ئەندامانی پەیەدە و کۆنگرەی ستار و نوێنەرانی دامەزراوە سەربازییەکان بەشداربوون.
پاش خولەکێک وەستان بۆ گیانی شەهیدان، هاوسەرۆکی بنەماڵەی شەهیدان لە شارۆچکەی عامودا، زێوەر سلێمان باسی بەهای شەهیدبوون و شەهیدان کرد، ستایشی فیداکاری و ڕۆڵی شەهیدانی کرد لە پاراستنی ئاسایش و ئارامیی باکور و ڕۆژهەڵاتی سوریا.
زێوەر سلێمان گوتی: «وشەکان بەرامبەر وەسفکردنی شەهیدان و تێکۆشانەکەیان کەم دەهێنن، بۆیە پێویستە درێژە بە ڕێگەکەیان بدەین و دەسکەوتەکان بپارێزین، لەڕێگەی یەکخستنەوەی ڕیزەکان بەگوێرەی ڕێبازی برایەتی گەلان کە ڕێبەر عەبدوڵا ئۆجالان پێشنیاری دەکات بۆ گەلانی میزۆپۆتامیا و ڕۆژهەڵاتی ناوین».
لەنێو هەلهەلەی دایکان، زێوەر بەڵێنی بۆ هەمووان دووپاتکردەوە، تێکۆشان بەگوڕتر دەبێت تا بەدیهاتنی ئازادیی جەستەیی ڕێبەری گەلی کورد عەبدوڵا ئۆجالان و ئازادی گەلی هەرێمە.
پاشان، ناسنامەی هەر ٢٥ شەهیدەکە لەلایەن ئەندامی بنەماڵەی شەهیدان، ئارین خەڵەفەوە خوێنرایەوە.
بە درووشمی «شەهید نامرن» و هەلهەلەی دایکان، مەراسیمەکە کۆتایی هات.
هـ . ب