بە پێشەنگایەتی بنەماڵەی شەهیدانی هەرێمی فورات، گەنجان لە کۆبانێ دژی گۆشەگیری کۆبوونەوە.

گروپێک لە گەنجان و کەسوکاری شەهیدان لە گۆڕەپانی ژنانی ئازاد بەرەو مەیدانی شەهید عەگید لە ڕێپێوانیان کرد و دژی خیانەت و گۆشەگیری و داگیرکاری دروشمیان وتەوە.

لە ڕێپێوانەکەدا وێنەکانی ڕێبەری گەلی کورد عەبدوڵا ئۆجالان و شەهیدان بەرزکرابوونەوە.

دوای رێپێوانەکە خولەکێک ڕێزگرتن بۆ یادی شەهیدان بەڕێوەچوو و پاشان بە ناوی گەنجانی ئەنجوومەنی بنەماڵەی شەهیدان، ئۆجالان مەلا خەلیل ڕاگەیەندراوێکی پێشکەشکرد.

لە ڕاگەیاندراوەکەدا هاتبوو: "مێژووی کوردستان هەمیشە بە قارەمانێتی نووسراوە و چەندین شەهیدمان بەخشیوە. شەهیدان بەخوێنی خۆیان مێژوویان نووسیوەتەوە. ماوەیەکی زۆرە دەوڵەتی تورک هێرش دەکاتە سەر چیاکانی کوردستان، بەڵام بەرامبەر بە بەرەنگاری و بەرخۆدانی گەریلا خۆی پێ ڕاناگیرێت و بەرگە ناگرێت. ئێمە وەک خوشک و برایانی گەریلا دەڵێین، کات کاتی ئازادییە، وەرن شەڕی ئازادییە".

لە دوای خوێندنەوەى ڕاگەیاندراوەکە و بە دەم وتنەوەى دروشمەوە کۆتایی بە چالاکییەکە هات.

ژ.ت