هەسەدە: ٤ شەڕڤانی ئەرکی خۆپاراستن شەهیدبوون
هێزەکانی سوریای دیموکراتیک (هەسەدە)، بەهۆی هێرشی فڕۆکەی بێ‌فڕۆکەوانی داگیرکەری تورک لە گوندی خربە خوێ لە عامودا، ٤ شەڕڤانی ئەرکی خۆپاراستن شەهیدبوون.
ناوەندی ڕاگەیاندنی هەسەدە ڕایگەیاند، فڕۆکەی بێ‌فڕۆکەوانی داگیرکەری تورک هێرشی کردە سەر گوندی خربە خوێ لە عامودا لە کانتۆنی قامیشلۆ.
لە دەقی ڕاگەیاندراوەکەدا هاتووە:
" بە ئامانجی لێدان لە ئاسایش و سەقامگیری هەرێمەکە، داگیرکەری تورک و چەتەکانی بەردەوامن لە هێرشە تیرۆریستییەکان بۆ سەر هەرێمەکانی باکور و ڕۆژهەڵاتی سوریا.
لەو چوارچێوەیەدا و لە دوژمنکارییەکی نوێدا، لە کاتژمێر ٧ ی ئێوارە، فڕۆکەی بێ‌فڕۆکەوانی داگیرکەری تورک گوندی خربە خوێ لە هەرێمی عامودا کردە ئامانج، بەهۆیەوە ٤ شەڕڤانی ئەرکی خۆپاراستن شەهیدبوون.
دواتر ناوەندی ڕاگەیاندن زانیاری زیاتر بڵاودەکاتەوە".
