ئەمڕۆ، ناوەندی ڕاگەیاندنی هەسەدە، ڕاگەیاندراوێکی بڵاوکردەوە، تێیدا ناسنامەی شەڕڤانێکی ئاشکرا کرد کە لە دەیرەزۆری ڕۆژهەڵات شەهید بووە، تێیدا هاتووە:

«هەڤاڵمان محەمەد (تەیسیر ساڵەح سەرحەد) لەلایەن شانەی چەکدارانی داعشەوە لەسەر ئەرکەکەی شەهیدکرا، لە شارۆچکەی «بەسیرە» لە گوندەواری دەیرەزۆری ڕۆژهەڵات.

هەڤاڵە شەهیدەکەمان ساڵی ٢٠١٧ هاتە ڕیزی هێزەکانمانەوە، پاش ڕزگارکردنی ڕەقە و ڕاگەیاندنی هەڵمەتی تۆفانی جەزیرە بۆ ڕزگارکردنی گوندەواری دەیرەزۆر لەدەستی چەکدارە تیرۆریستەکان، لەم هەڵمەتەدا بە هەموو هێزییەوە بەشداری کرد و لە شەڕەکاندا بەرخۆدانێکی مەزنی پیشاندا، ئەزموونێکی زۆر وەرگرت تا بوو بە فەرماندە لە ڕیزی هێزەکانمان، چەندین ئۆپەراسیۆنی سەربازی دژی ڕێکخراوی تیرۆریستی بە سەرکەوتووانە بەڕێوەبرد.

 سەرەخۆشی لە خۆمان و بنەماڵەی شەهیدان دەکەین. لەهەمانکاتدا، زیاتر سور دەبین لەسەر ڕیشەکێشکردنی تیرۆر و تۆڵەکردنەوەی هەموو شەهیدەکانمان لە چەتە تیرۆریستەکان، لەگەڵ وشککردنی سەرچاوەکانی تیرۆر و تێکدانی ژینگەی گەشەسەندنی، تاوەکو ئارامی و ئاسایش ڕووبکاتە ناوچەکەمان.

ناسنامەی هەڤاڵە شەهیدەکەمان بەم جۆرەیە:

ناسناو: محەمەد

ناو و پاشناو: تەیسیر ساڵەح سەرحەد

شوێن و کاتی لەدایکبوون: دەیرەزۆر/١٩٨٤

ناوی دایک- باوک: خەلفە- ساڵەح

کات و شوێنی شەهیدبوون: ٢٧ی نیسانی ٢٠٢٣/ شارۆچکەی بەسیرە_گوندەواری دەیرەزۆری ڕۆژهەڵات».

ف.ق